ປະຈຳວັນທີ 12 ກຸມພາ 2022 | ໜັງສືພິມວຽງຈັນທາຍ ໄດ້ໃຫ້ຮູ້ວ່າ:
ລາວເກີນດຸນການຄ້າ! 1.000 ລ້ານໂດລາສະຫະລັດ ໃນປີ 2021
ປີ 2021 ສປປ ລາວ ມີມູນຄ່າການການສົ່ງອອກ ແລະ ນໍາເຂົ້າສິນຄ້າຂອງ ສປປ ລາວບັນລຸໄດ້ປະມານ 13.000 ລ້ານໂດລາສະຫະລັດ, ເຊິ່ງໃນນັ້ນ ມູນຄ່າການສົ່ງອອກ ມີປະມານ 7.000 ລ້ານໂດລາ ແລະ ມູນຄ່າການນໍາເຂົ້າ ມີປະມານ 6.000 ລ້ານໂດລາ
ສິນຄ້າສົ່ງອອກຫຼັກຂອງລາວປະກອບມີ: ຄຳປະສົມ/ຄຳແທ່ງ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ, ແຮ່ທອງ, ເຍື່ອໄມ້ ແລະ ເສດເຈ້ຍ, ຢາງພາລາ, ມັນຕົ້ນ, ແຮ່ເຫຼັກ, ໝາກກ້ວຍ, ເຄື່ອງນຸ່ງຫົ່ມ, ເຄື່ອງໃຊ້ໄຟຟ້າ…ອ່ານຕໍ່
ການລົງທຶນ 75% ຂອງຕ່າງປະເທດ ໃນແຂວງສາລະວັນ ແມ່ນນັກລົງທຶນ ສປ ຈີນ
ໃນປີ 2021 ການລົງທຶນຂອງຕ່າງປະເທດ ຢູ່ແຂວງສາລະວັນ ສ່ວນໃຫຍ່ແມ່ນນັກລົງທຶນ ສປ ຈີນ ເຊິ່ງມີຈໍານວນ 15 ຫົວໜ່ວຍ ແລະ ມີທຶນຈົດທະບຽນ 141,72 ຕື້ກີບ ກວມເອົາ 75% ຂອງການລົງທຶນຕ່າງປະເທດທັງໝົດໃນແຂວງ
ໂດຍການລົງທຶນ ທີ່ມາລົງທຶນຢູ່ແຂວງສາລະວັນ ເປັນຕົ້ນກໍຈະມ່ນ: ຂະແໜງກະສິກໍາ, ຂະແໜງອຸດສາຫະກໍາປຸງແຕ່ງ, ການກໍ່ສ້າງ, ຂະແໜງການຄ້າ, ຂະແໜງຂຸດຄົ້ນ…ອ່ານຕໍ່
ງານວາງສະແດງຜະລິດຕະພັນລາວ 2022 ຈະກະຕຸ້ນເສດຖະກິດພາຍໃນ ທີ່ຮັບຜົນກະທົບຈາກໂຄວິດ
ງານດັ່ງກ່າວຈະຈັດຂຶ້ນ ໃນລະຫວ່າງວັນທີ 19-28 ກຸມພາ ທີ່ຈະມາເຖິງນີ້ ຢູ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ແລະ ມາຮອດປະຈຸບັນ ນີ້ມີຫຼາຍກວ່າ 100 ບໍລິສັດໃນທົ່ວທຸກແຂວງ ເພື່ອວາງຂາຍສິນຄ້າປະເພດຕ່າງໆບໍ່ວ່າຈະເປັນສິນຄ້າຈາກຂະແໜງອຸດສາຫະກຳ, ຂະແໜງອຸດສາຫະກຳປຸງແຕ່ງ, ຂະແໜງ ຫັດຖະກໍາຜ້າໃໝ, ຂະແໜງເຟີນີເຈີ
ເພື່ອເປັນການຊ່ວຍຟື້ນຟູເສດຖະກິດພາຍຫຼັງທີ່ຜູ້ປະກອບການໄດ້ຮັບຜົນກະທົບຈາກການລະບາດຂອງພະຍາດໂຄວິດ-19, ພ້ອມທັງ ສົ່ງເສີມເສດຖະກິດໃນຍຸກໃໝ່ໃນຮູບແບບ “ວິຖີຊີວິດໃໝ່” ໃຫ້ເກີດຄວາມຍືນຍົງ…ອ່ານຕໍ່