ປະຈຳວັນທີ 7 ພຶດສະພາ 2022 | ສຳນັກຂ່າວມີເດຍລາວ ໄດ້ໃຫ້ຮູ້ວ່າ:
ຫົວໜ້າພະແນກ ກປ ແຂວງຄໍາມ່ວນ ເນັ້ນໃຫ້ເມືອງໜອງບົກເອົາໃຈໃສ່ດ້ານປັດໄຈການຜະລິດ
ທ່ານ ບຸນຈັນ ໄຊປັນຍາ ຫົວໜ້າພະແນກກະສິກໍາ ແລະ ປ່າໄມ້ປະຈໍາແຂວງຄໍາມ່ວນພ້ອມດ້ວຍຄະນະໄດ້ລົງເຄື່ອນໄຫວຕິດຕາມ ແລະ ຊຸກຍູ້ການເກັບກ່ຽວເຂົ້ານາແຊງໃນລະດູການຜະລິດປີ 2022
ຍັງໄດ້ເນັ້ນໃຫ້ຫ້ອງການກະສິກໍາ ແລະ ປ່າໄມ້ເມືອງເອົາໃຈໃສ່ບາງບັນຫາຄື: ມາຮອດປະຈຸບັນການເກັບກ່ຽວເຂົ້ານາແຊງຂອງຊາວກະສິກອນເມືອງໜອງບົກແມ່ນໃກ້ຈະສໍາເລັດແລ້ວເຊິ່ງໃນລະດູການຕໍ່ໄປແມ່ນຈະກ້າວສູ້ລະດູການເຮັດນາປີສະນັ້ນຈິ່ງຮຽກຮ້ອງໃຫ້ຫ້ອງການກະສິກໍາ ແລະ ປ່າໄມ້ເມືອງເອົາໃຈໃສ່ໃນການຫ້າງຫາກະກຽມດ້ານປັດໄຈການຜະລິດໂດຍສະເພາະແມ່ນແນວພັນ ແລະ ນອກຈາກນັ້ນແມ່ນໃຫ້ເອົາໃຈໃສ່ຄວບຄຸມພະຍາດທີ່ໝັກເກີດຂຶ້ນກັບສັດປະຈໍາລະດູການພາຍໃນເມືອງດ້ວຍການສັກຢາປ້ອງກັນພະຍາດ…ອ່ານຕໍ່
ໂຄງການກໍ່ສ້າງເສັ້ນທາງລົດໄຟລາວ-ຈີນ ມອບຕາຂ່າຍໄຟຟ້າໃຫ້ 7 ບ້ານເມືອງຈອມເພັດ
ຕາງໝ້າບໍລິສັດ ຮັບເໝົາກໍ່ສ້າງ ພ້ອມດ້ວຍຫ້ອງການກ່ຽວຂ້ອງເຂົ້າຮ່ວມວາລະພິທີ ກໍໄດ້ມີການເຊັນສັນຍາມອບ-ຮັບ ຕາຂ່າຍໄຟຟ້າແຮງກາງ ຂອງໂຄງການ ກໍ່ສ້າງທາງລົດໄຟລາວ-ຈີນຈຸດຜ່ານເມືອງຈອມເພັດ ໂດຍແມ່ນຂອງບໍລິສັດ ກໍ່ສ້າງເສັ້ນທາງລົດໄຟຟ້າລາວ-ຈີນ ເລກ 8 ສັນຍາ 2 ຊ່ວງສັນຍາ ທີ 3 ທີ່ຜ່ານເມືອງຈອມເພັດ ເປັນຜູ້ກໍ່ສ້າງ
ເພື່ອຮັບໃຊ້ເຂົ້າໃນໂຄງການກໍ່ສ້າງທາງລົດໄຟຟ້າລາວ-ຈີນ ແລະບັນດາບ້ານຢູ່ພາຍໃນເມືອງ,ໃນ 7 ບ້ານ,ມີຄວາມຍາວ 19 ກິໂລແມັດ,ປະກອບ : ມີສາຍໄຟຟ້າ,ທັງໝົດ ແຕ່ບ້ານ ສະນົກ ຫາບ້ານ ຫ້ວຍແຂ້ ,ຍາວ 55 ກິໂລແມັດ,ພ້ອມເສົາໄຟທັງໝົດ 580 ຕົ້ນ ລວມມູນຄ່າທັງໝົດ 100ຕື້ກວ່າກີບ, ເຊິ່ງພາຍຫຼັງສຳເລັດການກໍ່ສ້າງເສັ້ນທາງລົດໄຟລາວ-ຈີນ,ທາງບໍລິສັດກໍ່ໄດ້ມອບຕາຂາຍດັ່ງກ່າວ ໃຫ້ເມືອງຈອມເພັດ ເປັນຜູ້ຮັບໃຊ້ໃນໄລຍະຕໍ່ໄປ…ອ່ານຕໍ່
ບ້ານລ້ອງກູ້ ຈະສຶບຕໍ່ແກ້ໄຂຄອບຄົວທີ່ທຸກຍາກພາຍໃນບ້ານໃຫ້ລຸດລົງດ້ວຍການປູກຝັງ-ລ້ຽງສັດ
ບ້ານ ລ້ອງກູ້ ເມືອງວຽງໄຊ ແຂວງຫົວພັນ ຈະສຶບຕໍ່ແກ້ໄຂຄອບຄົວທີ່ທຸກຍາກພາຍໃນບ້ານໃຫ້ລຸດລົງດ້ວຍການປູກຝັງ-ລ້ຽງສັດ ເຊິ່ງພາຍໃນບ້ານປະກອບມີ 3 ເຜົ່າຢູ່ຮ່ວມກັນຄື: ເຜົ່າໄຕແດງ, ເຜົ່າມົ້ງ ແລະ ກຶມມຸ
ໃນນັ້ນມີ 207 ຫຼັງຄາເຮືອນ ມີພົນລະເມືອງ 1 ພັນກວ່າຄົນ, ຍິງ 4 ຮ້ອຍກວ່າຄົນ, ສ່ວນໃຫຍ່ແມ່ນມີອາຊີບຕົ້ນຕໍ່ແມ່ນເຮັດນາປູກເຂົ້າ, ປູກພືດ ແລະ ລ້ຽງສັດເປັນສິນຄ້າ ໃນການຫາລ້ຽງຄອບຄົວ…ອ່ານຕໍ່
ມອບ-ຮັບ ໂຮງຮຽນມັດທະຍົມຕອນຕົ້ນ ບ້ານຫ້ວຍຢອງ ເມືອງແອດ ແຂວງຫົວພັນ
ໂຄງການກໍ່ສ້າງ ໂຮງຮຽນໂຮງຮຽນມັດທະຍົມຕອນຕົ້ນຫ້ວຍຢອງ ໄດ້ເລີ່ມລົງມືກໍ່ສ້າງນັບແຕ່ວັນທີ 10 ທັນວາ 2021 ເປັນຕົ້ນມາ ຈົນມາຮອດວັນທີ 4 ພຶດສະພາ 2022 ນີ້ໄດ້ສໍາເລັດ 100% ໃຊ້ເວລາກໍ່ສ້າງ 4 ເດືອນກວ່າ
ຊຶ່ງປະກອບມີ:ກໍ່ສ້າງ ອາຄານຮຽນ 1 ຫຼັງ ລວງກວ້າງ 9 ແມັດ, ລວງຍາວ 39 ແມັດ ຫຼັງຄາມຸງດ້ວຍອາລູຊິງ, ຝາກໍ່ດ້ວຍດິນຈີ່, ພື້ນເທດ້ວຍເບຕົງເສີມເຫຼັກ, ເພດານຫຍິບຊໍາ ປະກອບມີ 4 ຫ້ອງຮຽນ, 1 ຫ້ອງການຄູ ແລະຫ້ອງນໍ້າ 1 ຫຼັງ ມີ 4 ຫ້ອງ, ມີ ຫຼັກທຸງ 1 ຊຸດ ແລະ ເຟີນີເຈີຄົບຊຸດ, ລວມມູນການກໍ່ສ້າງທັງໝົດ 93.410 ໂດລາ ຫຼື 1 ຕື້ກ່ວາກີບ ໂດຍໄດ້ຮັບທຶນຊ່ວຍເຫຼືອລ້າຈາກ: ລັດຖະບານ ແລະ ປະຊາຊົນຢີ່ປຸ່ນ…ອ່ານຕໍ່
ປກສ ເມືອງທ່າແຂກ ມ້າງກຸ່ມມົ້ວສຸມຢາເສບຕິດພ້ອມຂອງກາງຢາບ້າ 9.224 ເມັດ
ທາງເຈົ້າໜ້າທີ່ວິຊາສະເພາະກອງບັນຊາການ ປກສ ເມືອງທ່າແຂກ ໄດ້ຮັບແຫຼ່ງຂ່າວຈາກພົນລະເມືອງດີ ຈຶ່ງໄດ້ນຳກຳລັງລົງສົມທົບກັບພາກສ່ວນທີ່ກ່ຽວຂ້ອງຕິດຕາມ ແລະ ພົບເຫັນຂອງກາງປະເພດຢາບ້າທີ່ຜູ້ກ່ຽວຊຸກເຊື່ອງໄວ້ຢູ່ທີ່ກະເປົາພາຍ ຈຳນວນ 391 ເມັດ.
ຜ່ານການສືບສວນ-ສອບສວນຂອງເຈົ້າໜ້າທີ່ ຈຶ່ງຮູ້ໄດ້ວ່າ: ຜູ້ຖືກຫາຊື່ທ້າວ ແອັດດີ້ ເພັດທະວົງ ອາຍຸ 34 ປີ, ປະຊາຊົນຢູ່ບ້ານໜອງບົວຄຳ ເມືອງທ່າແຂກ, ຜູ້ກ່ຽວໄດ້ຮັບສາລະພາບວ່າ: ຢາບ້າຈຳນວນດັ່ງກ່າວແມ່ນເປັນຂອງຜູ້ກ່ຽວແທ້,ພ້ອມທັງຮັບສາລະພາບຕື້ມອີກວ່າ: ຕົນເອງແມ່ນໄດ້ເລີ້ມພົວພັນເສບ ແລະ ຄ້າ-ຂາຍຢາບ້າມາຫຼາຍຄັ້ງແລ້ວແຕ່ປີ 2021 ເປັນຕົ້ນມາ…ອ່ານຕໍ່