Thursday, July 18, 2024
Lenovo

ວິໄສທັດ ແລະ ແນວຄວາມຄິດ ຂອງ Meta ຕໍ່ກັບ VR

Meta ກຳລັງເປັນທີ່ຈັບຕາຂອງຄົນລາວລຸ້ນໃຫມ່ ເພາະການພັດທະນາຢ່າງບໍ່ຢຸດຍັ້ງຂອງເທັກໂນໂລຢີ ທີ່ຈະຊ່ວຍໃຫ້ເຂົາໃຊ້ຊີວິດງ່າຍຂຶ້ນ ແລະ ສະດວກສະບາຍ ໃນອະນາຄົດ, Meta ໄດ້ສະແດງແນວຄວາມຄິດ ແລະ ວິໄສທັດ ຂອງ The Metaverse ລວມໄປເຖິງການອອກແບບ VR ແຫ່ງອະນາຄົດ ແລະ ອະປຸກອນປ້ອນຂໍ້ມູນດ້ວຍປາຍນິ້ວມື ອອກສູ່ສາທາລະນະເພື່ອໃຫ້ຮູ້ເຖິງຄວາມເປັນໄປໄດ້ທີ່ຈະສາມາດໃຊ້ງານໃນຊີວິດຈິງ

ເຊິ່ງວີດີໂອດັ່ງກ່າວ ໄດ້ນໍາສະເໜີຜົນກະທົບທາງບວກທີ່ອາດຈະເກີດຂຶ້ນຕໍ່ສັງຄົມ ແລະ ອຸດສາຫະກຳຂອງໂລກ ລວມໄປເຖິງໃນລາວ, ໃນວີດີໂອໄດ້ສະແດງໃຫ້ເຫັນເຖິງ ຊີວິດຂອງນັກຮຽນທີ່ເຂົ້າຮຽນໄປມະຫາວິທະຍາໄລໃນໂລກສະເໝືອນຈິງ, ໝໍທີ່ກຳລັງຜ່າຕັດ ເພື່ອການຝຶກຝົນໂດຍບໍ່ຕ້ອງເອົາຊີວິດຂອງໃຜມາສ່ຽງ ແລະ ເດັກນັກຮຽນໄປຢ້ຽມຢາມສະຖານທີ່ຕ່າງໆ ໂດຍໃຊ້ໂລກສະເໝືອນຈິງ

ແຕ່ສິ່ງທີ່ໜ້າສົນໃຈຄື ນັກສຶກສາ ແລະ ໝໍ ໄດ້ໃສ່ຊຸດ VR ສີຂາວລໍ້າຍຸກຢ່າງເຫັນໄດ້ຊັດເຈນທີ່ Meta ໄດ້ພັດທະນາຂຶ້ນມາ, ໃນວີດີໂອຍັງສະແດງໃຫ້ເຫັນເຖິງແນວຄວາມຄິດຂອງ Meta ທີ່ໄດ້ນໍາໃຊ້ປອກນິ້ວເຂົ້າມາແທນຖົງມືແບບເກົ່າ ໃນການໃຊ້ງານຂອງໂລກສະເໝືອນຈິງ, ເຊິ່ງທັງສອງຢ່າງຈະໃຫ້ຄວາມຮູ້ສຶກທີ່ແຕກຕ່າງກັນເຊັ່ນວ່າ ຖົງມືຈະມີນໍ້າໜັກສະເໝືອນຈິງ ແຕ່ປອກນິ້ວແມ່ນຈະຫຼຸດພາລະຂອງນໍ້າໜັກເຫຼົ່ານັ້ນໄປ

ເຊິ່ງທ້າຍທີ່ສຸດແລ້ວ ແນວຄວາມຄິດນີ້ຍັງເປັນຮູບແບບຈຳລອງ ເພື່ອທົດສອບການອອກແບບ, ໃນອະນາຄົດເຮົາອາດຈະໄດ້ເຫັນເທັກໂນໂລຢີ ແລະ ຊຸດຂອງ VR ທີ່ລໍ້າຍຸກສະໄໝຂຶ້ນກວ່ານີ້ກໍ່ໄດ້.

ຂໍ້ມູນຈາກ: UploadVR

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.