ໂຄງການຫ້ອງສະໝຸດແມ່ນ້ຳຂອງ-ແມ່ນ້ຳລ້ານຊ້າງ ເປັນອີກໂຄງການໜຶ່ງທີ່ຊ່ວຍໃຫ້ຫຼາຍໆຄົນມີຄວາມຮູ້ຫຼາຍຂຶ້ນ ເຊິ່ງໃນວັນທີ 9 ກັນຍາ 2022 ທີ່ຜ່ານມາ ກໍໄດ້ສ້າງຫ້ອງສະໝຸດໃຫ້ແກ່ໂີຮງຮຽນມັດທະຍົມສຶກສາສົມບູນ ບູນປາກງ້ວາ ເມືອງເຟືອງ ແຂວງວຽງຈັນ ແລະ ບໍ່ໄດ້ມີພຽງເທົ່ານັ້ນ ຍັງໄດ້ມອບເອົາປຶ້ມຈໍານວນ 2.000 ກວ່າເຫຼັ້ມໃຫ້ຕື່ມອີກ.
ໂຄງການດັ່ງກ່າວ ເປັນໂຄງການທີ່ມີການຮ່ວມມືໂດຍບໍລິສັດ ຊານເສຍ ແລະ ບໍລິສັດໄຟຟ້ານໍ້າລີກ 1-2 ເພື່ອເປັນຊ່ອງທາງໃນການຊ່ວຍເຫຼືອການສຶກສາໃນລະດັບທ້ອງຖິ່ນ ແລະ ຍັງຊ່ວຍສ້າງອະນາຄົດໃຫ້ກັບນ້ອງໆນັກຮຽນໄດ້.
ທ່ານ ບຸນຄຳ ພະມີໄຊ ອໍານວຍການໂຮງຮຽນ ມສ ປາກງ້ວາ ຍັງໄດ້ໃຫ້ຮູ້ຕື່ມອີກວ່າ: ໂຮງຮຽນຈະໄດ້ນຳໃຊ້ຫ້ອງສະໝຸດ ແລະ ປຶ້ມເຫຼົ່ານີ້ໃຫ້ເກີດປະໂຫຍດສູງສຸດ, ໂດຍຈະສົ່ງເສີມໃຫ້ນັກຮຽນຮູ້ຮັກການອ່ານ, ຮັກສາປຶ້ມເປັນຢ່າງດີ ແລະ ດຸໝັ່ນຮຽນຮູ້ຄວາມຮູ້ໃໝ່ໆຈາກປຶ້ມທີ່ມອບໃຫ້.
ຂໍ້ມູນຈາກ: CRI-FM93