ເຈົ້າໜ້າທີ່ພາສີຂົວມິດຕະພາບ I ໄດ້ໃຫ້ຮູ້ວ່າ ໃນຂະນະທີ່ປະຕິບັດໜ້າທີ່ກວດລົດທີ່ຜ່ານເຂົ້າດ່ານ ໄດ້ພົບເຫັນລົດຂອງຜູ້ຖືກສົງໃສ ທະບຽນ ກງ 5939 ໜອງຄາຍ (ປະເທດໄທ) ຂົນແກັດເຈ້ຍຍາວ 01 ແກັດ ເຈົ້າໜ້າທີ່ເລີຍກວດຄົ້ນ ເລີຍພົບເຫັນອາວຸດເສິກ ພາຍໃນກ່ອງເປັນປືນຍາວ KM 12 DERYA 1 ກະບອກ ທີ່ຜະລິດຈາກປະເທດຕວກກີ ຜ່ານການສືບສວນຂອງເຈົ້າໜ້າທີ່ໄດ້ໃຫ້ຮູ້ວ່າ ຜູ້ກ່ຽວຊື່ທ້າວ ພິທັກ ສຸກເສີນ ອາຍຸ 42 ປີ ສັນຊາດໄທ.
ໃນມື້ດຽວກັນ ເຈົ້່າໜ້າທີ່ກໍຍັງໄດ້ກັກໂຕ ທ້າວ ໂກລາວິດ ສຸລິນທາໃຈ ອາຍຸ 25 ປີ ສັນຊາດໄທ ເພາະນໍາເຂົ້າຢາສູບໄຟຟ້າ Quik Cola Lemon ຈໍານວນ 600 ກອກ ມູນຄ່າ 942,85 ໂດລາສະຫະລັດຜະລິດຈາກປະເທດຈີນ ເຊິ່ງສິນຄ້າດັ່ງກ່າວເປັນສິນຄ້າທີ່ບໍ່ມີການແຈ້ງລາຍລະອຽດຕໍ່ເຈົ້າໜ້າທີ່ພາສີ ແລະ ບໍ່ມີອະນຸຍາດຈາກຂະແໜງການທິີ່ກ່ຽວຂ້ອງ.
ຢາສູບໄຟຟ້າທີ່ເຈົ້າໜ້າທີ່ຢຶດມາໄດ້ນັ້ນ ປັດຈະບັນແມ່ນຮັກສາໄວ້ຢູ່ໃນສາງດ່ານພາສີສາກົນຂົວມິດຕະພາບ 1 ແລະ ກຽວຈະສົ່ງມອບໃຫ້ຂະແໜງກ່ຽວຂ້ອງນໍາໄປທຳລາຍຢ່າງເປັນທາງການ.
ຂໍ້ມູນຈາກ: ຄວາມສະຫງົບ Lao Security News