ທ່ານ ບຸນທອງ ຈິດມະນີ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ລົງຮັບຟັງລາຍງານການປະຕິບັດວຽກງານ ການຈັດຕັ້ງປະຕິບັດ, ຜັນຂະຫຍາຍແນວທາງຂອງພັກ-ລັດ ແລະ ຢ້ຽມຢາມ ກວດກາການກໍ່ສ້າງພະເຈົ້າອົງຫລວງ ທີ່ວັດໄຫຫີນມີໄຊຍະຣາມ.
ໃນການລົງຢ້ຽມຢາມຄັ້ງນີ້ ທ່ານ ຮອງປະທານປະເທດໄດ້ຮັບຟັງກ່ຽວກັບ ຄວາມກຽມພ້ອມເປັນເຈົ້າພາບທີ່ດີ ໃນການຈັດງານມະຫາກຳກິລາແຫ່ງຊາດຄັ້ງທີ 11 (ຊຽງຂວາງເກມ), ການແກ້ໄຂຄວາມທຸກຍາກ, ການຫັນລົງກໍ່ສ້າງຮາກຖານການເມືອງ ຕິດພັນກັບວຽກງານ 3 ສ້າງ, ລວມທັງການຜັນຂະຫຍາຍ ແລະ ຈັດຕັ້ງປະຕິບັດ 2 ວາລະແຫ່ງຊາດ.
ຈາກນັ້ນ, ທ່ານ ຮອງປະທານປະເທດ ຍັງໄດ້ໄປຢ້ຽມຢາມ ກວດກາການກໍ່ສ້າງພະເຈົ້າອົງຫລວງ ທີ່ວັດໄຫຫີນມີໄຊຍະຣາມ, ສະໜາມກິລາເປີດ-ປິດ, ສະໜາມກິລາບານສົ່ງ, ໂຮງງານເຈຍຫີນອ່ອນຂອງບໍລິສັດ ແຈງຫົງກໍ່ສ້າງຂົວທາງ ຈຳກັດ ທີ່ບ້ານນາຫອຍ ເມືອງແປກນຳອີກ.
ທີ່ມາ: ຫ້ອງວ່າການສູນກາງພັກ
Hits: 10
