Thursday, July 18, 2024
Lenovo

ໃຜຊອກວຽກ ບໍ່ຄວນພາດ! ງານນັດພົບແຮງງານ ປີນີ້ມີຕໍ່າແໜ່ງງານວ່າງຫຼາຍກວ່າ 11.000 ຕໍາແໜ່ງ

ນັກສຶກສາທີ່ຈົບໃໝ່ ແລະ ຜູ້ຊອກວຽກເຮັດງານທຳ ບໍ່ຄວນພາດງານນັດພົບແຮງງານປະຈຳປີຄັ້ງນີ້ ເພາະວ່າປີນີ້ມີຕຳແໜ່ງວ່າງງານຫຼາຍກວ່າ 11.000 ຕໍ່າແໜ່ງ ແລະ ມີບູດຮັບສະໝັກງານຫຼາຍເຖິງ 28 ບູດ ທີ່ລໍຖ້າໃຫ້ທຸກຄົນໄປສະໝັກ ໂດຍງານຄັ້ງນີ້ຈັດຂຶ້ນເພື່ອອຳນວຍຄວາມສະດວກໃນການຫາວຽກ ຫຼຸດຜ່ອນການວ່າງງານ.

ພະແນກແຮງງານ ແລະ ສະຫວັດດີການສັງຄົມ ໄດ້ໃຫ້ຮູ້ວ່າ: ປີນີ້່ບໍ່ໄດ້ຈັດໃຫຍ່ກວ່າປີທີ່ຜ່ານມາ ແຕ່ວ່າເນັ້ນໄປທີ່ການລົງທະບຽນສະໝັກງານເປັນຫຼັກ ແລະ ຍັງມີການກຽມຫ້ອງສຳພາດເອົາໄວ້ອີກດ້ວຍ ເພື່ອທີ່ວ່າບາງງານຈຳເປັນຕ້ອງໄດ້ມີການສຳພາດແຮງງານ.

ພາຍ​ໃນ​ງານ ແມ່ນ​ຈະ​ມີກິດ​ຈະ​ກຳ​ທີ່ຫຼາກຫຼາຍເຊັ່ນ: ​ການລົງທະບຽນຮັບສະໝັກງານຜ່ານ​ລະ​ບົບ​ອິນ​ເຕີ​ເນັດ ແລະ ແບບເຊິ່ງໜ້າ, ການ​ສຳ​ພາດ​ເຂົ້າ​ເຮັດ​ວຽກ, ການໃຫ້ຂໍ້ມູນຂ່າວສານ​ດ້ານແຮງງານ, ຂໍ້ມູນກ່ຽວກັບການຝຶກອົບຮົມວິຊາຊີບ, ການເຜີຍແຜ່ເວັບໄຊ ຂໍ້ມູນຂ່າວສານຕະຫຼາດແຮງງານ, ກິດຈະກຳວາງສະແດງຮູບພາບການ ເຄື່ອນໄຫວວຽກງານການພັດທະນາສີມືແຮງງານ ແລະ ຈັດຫາງານໃນແຕ່ລະໄລຍະ, ກິດຈະກຳໃຫ້ຄຳປຶກສາກ່ຽວກັບການເຂົ້າປະກັນສັງຄົມ ແລະ ການປິ່ນປົວສຸຂະພາບ, ກິດຈະກຳການແຂ່ງຂັນສີມືແຮງງານເປັນ​ຕົ້ນ​ແມ່ນການແກະສະຫຼັກຜັກ ແລະ ໝາກໄມ້.

ງານນັດພົບແຮງງານຄັ້ງນີ້ ຈຸດປະສົງຫຼັກໆແມ່ນເພື່ອຊຸກຍູ້ສົ່ງເສີມການມີວຽກເຮັດງານທໍາໃຫ້ແກ່ກໍາລັງແຮງງານ ແລະ ສ້າງໂອກາດໃຫ້ຜູ້ອອກແຮງງານໄດ້ເຂົ້າເຖິງຂໍ້ມູນຂ່າວສານການຕະຫຼາດແຮງງານ ເຊິ່ງປີນີ້ເພິ່ນຈັດຕັ້ງແຕ່ວັນທີ 17-20 ພະຈິກ 2022 ທີ່ພະແນກແຮງງານ ແລະ ສະຫວັດດີການສັງຄົມ, ນະຄອນຫຼວງ ວຽງຈັນ, ບ້ານ ໜອງໄຮ, ເມືອງ ຫາດຊາຍຟອງ, ນະຄອນຫຼວງ ວຽງຈັນ ໃຜທີ່ສົນໃຈກໍສາມາດໄປຮ່ວມງານໄດ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.