ງານແລ່ນ ວຽງຈັນ ມາຣາທອນ ນານາຊາດ ໄດ້ຮັບການສະໜັບສະໜູນຫຼັກຈາກ ບໍລິສັດ ເບຍລາວ ຈຳກັດ ໂດຍຜ່ານນໍ້າດື່ມຫົວເສືອ ເຊີງເປັນຜະລິດຕະອັນດັບໜຶ່ງທີຄອງໃຈປະຊາຊົນລາວມາຍາວນານ. ນອກຈາກການເປັນຜູ້ສະໜັບສະໜູນຫຼັກໃນການນີ້ ນັບຕັ້ງແຕ່ປີທຳອິດຈົນຮອດປະຈຸບັນແລ້ວ ນໍ້າດື່ມຫົວເສືອຍັງຄົງເລັ່ງເຫັນຄວາມສຳຄັນຕໍ່ກັບບັນຫາສຸຂະພາບ ແລະ ຍັງໄດ້ໃຫ້ການສະໜັບສະໜູນງານອື່ນໆເຊັ່ນ:ຫຼວງພະບາງ ຣາຟ ມາຣາທອນ, ງານມະຫາກຳກິລາແຫ່ງຊາດ, ໃຫ້ທຶນການສຶກສາ ແລະ ອື່ນໆ. ນອກຈາກນີ້, ບໍລິສັດ ເບຍລາວ ຍັງເປັນ ບໍລິສັດທີ່ໄດ້ມອບພັນທະເຂົ້າງົບປະມານແຫ່ງຊາດ ເປັນອັນດັບໜຶ່ງ ໃນແຕ່ລະປີຫຼາຍກ່ວາ 2.000 ຕື້ກີບ.
ພາຍຫຼັງຢຸດຈັດງານມາເປັນເວລາ 2 ປີ (ນັບແຕ່ປີ 2020) ງານແລ່ນ ວຽງຈັນ ມາຣາທອນ ນານາຊາດ ຫຼື Vientiane International Marathon 2022 ໄດ້ຈັດຂຶ້ນອີກຄັ້ງຢ່າງຍິ່ງໃຫຍ່ ໃນຕອນເຊົ້າວັນທີ 25 ທັນວາ 2022 ໂດຍມີນັກແລ່ນທັງພາຍໃນ ແລະ ຕ່າງປະເທດເຂົ້າຮ່ວມ ລົງແຂ່ງຂັນເປັນຈຳນວນ ຫຼາຍກ່ວາ 3.600 ຄົນ.
ສແລ່ນ ວຽງຈັນ ມາຣາທອນ ນານາຊາດ ຈັດຂຶ້ນເພື່ອເປັນການສົ່ງເສີມການອອກກຳລັງກາຍ ເພື່ອສຸຂະພາບ ແລະ ມິດຕະພາບລະຫວ່າງນັກກິລາແລ່ນດ້ວຍກັນ ພ້ອມນີ້ ຍັງເປັນການສົ່ງເສີມ ການທ່ອງທ່ຽວລາວ ໃຫ້ກັບມາ ມີຄວາມຄືກຄື້ນຜ່ານກິດຈະກຳດັ່ງກ່າວ. ໃນງານແລ່ນ ໃນຄັ້ງນີ້ ລວມມີ 4 ໄລຍະທາງຄື: ໄລຍະ 42 ກິໂລແມັດ ມີຜູ້ເຂົ້າຮ່ວມ 172 ຄົນ, ໄລຍະ 21 ກິໂລແມັດ ມີຜູ້ເຂົ້າຮ່ວມ 452 ຄົນ, ໄລຍະ 10 ກິໂລແມັດ ມີຜູ້ເຂົ້າຮ່ວມ 1.822 ຄົນ ແລະ ໄລຍະ 5 ກິໂລແມັດ ມີຜູ້ເຂົ້າຮ່ວມ 1.230 ຄົນ. ໃນຈໍານວນນີ້ ມີປະມານ 5% ເປັນນັກແລ່ນ ຈາກຕ່າງປະເທດ ໂດຍຈໍານວນນັກແລ່ນ ຈາກ ຍີ່ປຸ່ນ ໄທ ແລະ ຈີນ ກວມເອົາສັດສ່ວນຫຼາຍທີ່ສຸດ ຕາມລໍາດັບ. ຜູ້ເຂົ້າເສັ້ນໄຊຕາມເວລາທີ່ກຳນົດໄວ້ ຈະໄດ້ຮັບຫຼຽນ ແລະ ໃບຢັ້ງຢືນໃນການແຂ່ງຂັນລາຍການດັ່ງກ່າວນີ້.
Hits: 13
