Saturday, July 20, 2024
Lenovo

ງານບຸນມະໂຫລານກອງປຶ້ມໃຫຍ່ຄັ້ງທີ່ III  ພາຍໃຕ້ຄຳຂວັນ “ອ່ານຫຼາຍຮູ້ຫຼາຍ ນຳໃຊ້ໃຫ້ເກີດຜົນ”

ສໍານັກພິມດີບຸກ ໄດ້ກຽມຈັດງານ “ບຸນມະໂຫລານກອງປຶ້ມໃຫຍ່ ຄັ້ງທີ III” (Book Festival III, 2023) ພາຍໃຕ້ຄຳຂວັນ “ອ່ານຫຼາຍຮູ້ຫຼາຍ ນຳໃຊ້ໃຫ້ເກີດຜົນ” ໃນວັນທີ 8-13 ມີນາ 2023 ທີ່ສະໂມສອນໃຫຍ່ ຂອງມະຫາວິທະຍາໄລແຫ່ງຊາດ, ເພື່ອເປັນການສົ່ງເສີມວັດທະນາທຳການອ່ານ ໃຫ້ນັກອ່ານ ແລະ ນັກຂຽນຫຼາຍຂຶ້ນ, ເພີ່ມຊ່ອງທາງໃນການເຂົ້າເຖິງການອ່ານ ໃຫ້ເທົ່າທັນ ແລະ ທຽບເທົ່າກັບສາກົນ.

ພາຍໃນງານ ຈະລວມເອົາປື້ມລາວທຸກປະເພດ ມາໄວ້ໃນບ່ອນດຽວກັນໃຫ້ຫຼາຍທີ່ສຸດ ແລະ ຍັງປະກອບມີກິດຈະກຳຫຼາຍຢ່າງ, ກິດຈະກຳຫຼັກໆຈະເປັນການບັນຍາຍ, ເປີດໂຕປື້ມໃໝ່, ອ່ານກະວີ, ລີວິວປື້ມ, ກິດຈະກຳການສົ່ງເສີມການອ່ານ, ການວາງສະແດງຜົນງານ ແລະ ການວາງຈຳນ່າຍປື່ມຕ່າງໆ.

ນອກຈາກນັ້ນ ຍັງມີ ການສະແດງສິລະປະ ວັນນະຄະດີ, ການໂຕ້ວາທີ, ສາຍຮູບເງົາ (ຊັ້ນ 2 ), ກິດຈະກຳແຈກຂອງລາງວັນ, ຮັບບໍລິຈາກປື້ມ, ຂາຍອາຫານ ແລະ ເຄື່ອງດື່ມອື່ນໆນຳອີກ.

ພ້ອມດຽວກັນນັ້ນ ກໍຖືເປັນການສະເຫຼີມສະຫຼອງ ວັນອ່ານປື້ມໂລກ  (World Book Day) ໃນວັນທີ 2 ມີນາ ຄົບຮອບ 28 ປີ , ວັນແມ່ຍິງສາກົນ (International Women’s Day) 8 ມີນາ ຄົບຮອບ 113 ປີ  ແລະ ສ້າງຂະບວນການຕ້ອນຮັບວັນສ້າງຕັ້ງພັກປະຊາຊົນ ປະຕິວັດລາວ 22 ມີນາ ຄົບຮອບ 68 ປີທີ່ຈະມາເຖິງນີ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ປະຫວັດບຸນເຂົ້າພັນສາ

ວັນບຸນເຂົ້າພັນສາ ໃນປີນີ້ ແມ່ນກົງກັບ ວັນທີ 20 ກໍລະກົດ 2024 ຫຼື ຂຶ້ນ 15 ຄໍ່າ ເດືອນ 8 ລາວ ຊຶ່ງເປັນມື້ທີ່ຊາວພຸດທະສາສະໜາ ຈະໄດ້ພ້ອມກັນນຳພາຄອບຄົວອອກໄປຟັງທຳມະເທສະໜາ ແລະ ໄດ້ມີການກະກຽມສິ່ງຂອງຕ່າງໆ ເພື່ອໄປທຳບຸນໃນມື້ເຂົ້າພັນສາ

“ອົດອາຫານ” ບໍ່ຊ່ວຍໃຫ້ຫຼຸດນຳ້ໜັກ

ການອົດອາຫານນັ້ນ ສຳພັນກັບການຈຳກັດ ແຄລໍຣີ່ ຂອງອາຫານທີ່ເຮົາກິນໃນແຕ່ລະມື້, ການນັບ ແຄລໍຣີ່ ເປັນວິທີທີ່ໄດ້ຮັບຄວາມນິຍົມຫຼາຍ ຊຶ່ງມີທີມນັກວິໄຈດ້ານໂພຊະນາການ ໃນ ສະຫະລັດ ອາເມຣິກາ ໄດ້ລາຍງານລົງໃນວາລະສານ ການແພດ ເຈເອເອັມເອ (JAMA International Medicine) ເຖິງຜົນການລົງເລິກກວດຜູ້ໃຫຍ່ ທີ່ລະບຸວ່າ ອ້ວນເຖິງ 100 ຄົນ ໂດຍແບ່ງຈາກພຶດຕິກຳການກິນເປັນ 3 ກຸ່ມ ຊຶ່ງເປັນເວລາ 1 ປີ.

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.