ເມື່ອພວກເຮົາຄິດວ່າພວກເຮົາຮູ້ທັນວິທີການຫຼອກຫຼວງຫຼາຍຮູບແບບແລ້ວ ແຕ່ຜູ້ຫຼອກລວງຈະມີເຕັກນິກໃໝ່ເພື່ອມາຫຼອກພວກເຮົາໄດ້ຕະຫຼອກເຊັ່ນກັນ. ສະນັ້ນເຮົາຈຶ່ງພາມາຮູ້ຈັກກັບ 5 ວິທີຫຼອກລວງໃໝ່ໃນປີ 2024 ເພື່ອໃຫ້ພວກເຮົາສາມາດປ້ອງກັນການຫຼອກລວງໄດ້.
1. Spear phishing
Spear phishing ແມ່ນຫຍັງ? ມັນເປັນການໂຈມຕີ phishing ແບບກຳນົດເປົ້າໝາຍທີ່ scammers ໃຊ້ຂໍ້ມູນທີ່ອາດຈະຖືກຂາຍຫຼື hacked, ເຊັ່ນ: ຊື່, ທີ່ຢູ່, ອີເມວ, ເບີໂທລະສັບ ຫຼືຂໍ້ມູນສ່ວນຕົວອື່ນໆເພື່ອຊັກຊວນພວກເຂົາວ່າພວກເຂົາເປັນອົງການທີ່ເຊື່ອຖືໄດ້ ແລະ ຖ້າພວກເຮົາເຊື່ອ ກໍອາດຈະສູນເສຍເງິນໃຫ້ເຂົາເຈົ້າໂດຍບໍ່ຮູ້ຕົວ. ແຕ່ເປົ້າຫມາຍຂອງ Spear phishing ອາດຈະບໍ່ແມ່ນປະຊາຊົນທົ່ວໄປ ມັນຕ້ອງເປັນຄົນທີ່ມີລະດັບເງິນໃນບັນຊີ ທີ່ພວກເຂົາຄິດວ່າມັນຄຸ້ມຄ່າເວລາທີ່ຈະລວບລວມຂໍ້ມູນຂອງຄົນທີ່ຈະຫຼອກ.
ສຳລັບວິທີການປ້ອງກັນ ເຖິງແມ່ນວ່າພວກເຂົາມີຂໍ້ມູນທັງຫມົດຂອງພວກເຮົາກ່ອນທີ່ຈະໂອນເງິນ ຫຼື ເຮັດທຸລະກໍາໃດໆ ເຮົາກະລຸນາກວດເບິ່ງອີກຄັ້ງ. ຖ້າຜູ້ຫຼອກລວງອ້າງວ່າ ເຮົາຕິດເງິນກັບທະນາຄານ ຫຼືມີບັນຫາກັບບັນຊີທະນາຄານ ແລະພະຍາຍາມເຮັດໃຫ້ພວກເຮົາຈ່າຍເງິນ ຫຼື ເອົາລະຫັດບັນຊີ ແລ້ວຂູ່ວ່າຈະຖືກດໍາເນີນຄະດີ ຖ້າເປັນແບບນີ້ແມ່ນໃຫ້ໂທໄປກວດທີ່ທະນາຄານນັ້ນອີກຄັ້ງເພື່ອຢືນຢັນ.
2. Tapjacking
Tapjacking ແມ່ນຮູບແບບຂອງການໂຈມຕີທາງອິນເຕີເນັດທີ່ຜູ້ໂຈມຕີຫຼອກລວງຜູ້ໃຊ້ໃຫ້ຄລິກ ແຕະໃສ່ປຸ່ມ ຫຼືລິ້ງທີ່ເຊື່ອງໄວ້ໃນໜ້າເວັບ ຫຼືໜ້າແອັບພລິເຄຊັນ. ແຕ່ຕົວຈິງແລ້ວມັນບໍ່ແມ່ນໜ້າເວັບ ມັນເປັນພຽງແຕ່ການວາງຊ້ອນຫນ້າຈໍ ຫຼືຮຽນແບບເວັບໄຊທ໌ນັ້ນ, Tapjacking ສາມາດນໍາໄປສູ່ການດາວໂຫຼດ malware, ເປີດເວັບໄຊທ໌ທີ່ເປັນອັນຕະລາຍ, ຫຼືນໍາໄປສູ່ໜ້າ phishing ທີ່ອະນຸຍາດໃຫ້ພວກເຮົາເຂົ້າໄປໃນຂໍ້ມູນສ່ວນຕົວໂດຍບັງເອີນ.
ວິທີການສັງເກດເບິ່ງແລະປ້ອງກັນ Tapjacking ແມ່ນຕິດຕັ້ງສ່ວນຂະຫຍາຍຂອງຕົວທ່ອງເວັບ ເຊິ່ງມີຫຼາຍສ່ວນຂະຫຍາຍຂອງຕົວທ່ອງເວັບທີ່ສາມາດຊ່ວຍປ້ອງກັນໄດ້ ແລະ ໃຊ້ຄວາມລະມັດລະວັງຢ່າຄລິກ ແຕະໃສ່ລິ້ງ ຫຼື ປຸ່ມທີ່ໜ້າສົງໄສ.
3. Quishing หรือ QR phishing
ໃນປັດຈຸບັນ, QR Codes ແມ່ນສິ່ງໜຶ່ງທີ່ເຮັດໃຫ້ຊີວິດຂອງພວກເຮົາສະດວກສະບາຍ ບໍ່ວ່າຈະສະໝັກສະມາຊິກ ຫຼື ການບໍລິການໃດໆ ລວມທັງການສະແກນເພື່ອຈ່າຍເງິນ, ແນ່ນອນພວກເຮົາສະແກນດ້ວຍຄວາມໝັ້ນໃຈຢ່າງເຕັມທີ່ວ່າມັນເປັນ QR Code ທີ່ປອດໄພ, ແຕ່ຖ້າມື້ໜຶ່ງມັນກາຍເປັນ QR ປອມຈະເຮັດແນວໃດ? ມີຫຼາຍຄັ້ງຢູ່ຕ່າງປະເທດ scammers ມັກຈະວາງລະຫັດ QR ປອມໃນບ່ອນຈອດລົດ ຫຼື ຮ້ານຄ້າ່ ເພື່ອຫຼອກລວງຄົນໃຫ້ເຂົ້າໄປໃນ app ການຈ່າຍເງິນປອມ ເຊິ່ງອາດຈະເປັນລິ້ງທີ່ລັກຂໍ້ມູນ ຫຼື ບັນຊີຂອງຜູ້ບໍ່ຫວັງດີ ກໍເປັນໄປໄດ້.
ສຳລັບວິທີການປ້ອງກັນຢ່າສະແກນ QR ຈາກແຫຼ່ງທີ່ບໍ່ໜ້າເຊື່ອຖື, ເຊັ່ນຈາກສື່ສັງຄົມອອນລາຍ ຫຼື ຈາກສື່ສິ່ງພິມທີ່ບໍ່ໜ້າເຊື່ອຖື, ຢ່າໃຫ້ຂໍ້ມູນສ່ວນຕົວ ຫຼື ການເງິນ ຜ່ານເວັບໄຊທ໌ທີ່ບໍ່ຄຸ້ນເຄີຍ.
4. AI & Deepfake
ປະເທດເຮົາຍັງບໍ່ເຄີຍປະສົບກັບການໂຈມຕີດັ່ງກ່າວ ເຊິ່ງເຮົາອາດຈະພົບເຫັນພຽງແຕ່ການນໍາໃຊ້ Deefake ເພື່ອສ້າງຕໍາຫຼວດປອມໃນຕ່າວປະເທດມາແລ້ວ. ທີ່ສ້າງໂຕປອມແລ້ວໄປຫຼອກລວງຄົນອື່ນໃຫ້ໄດ້ເງິນ ຫຼື ສ້າງ Deepfakes ທີ່ບໍ່ດີ ເຊິ່ງໃນອະນາຄົດເທັກໂນໂລຢີນີ້ ຈະພັດທະນາຕື່ມອີກເຊິ່ງພວກເຮົາອາດຈະສັບສົນແຍກບໍ່ອອກກໍເປັນໄປໄດ້.
ສຳລັບວິທີການປ້ອງກັນແມ່ນ ໃຫ້ກວດເບິ່ງແຫຼ່ງທີ່ມາໃຫ້ແນ່ໃຈ, Deepfake ມັກຈະມີຄວາມຜິດພາດໃນວິດີໂອ ເຊັ່ນການເຄື່ອນໄຫວທີ່ຜິດທໍາມະຊາດ, ໃຊ້ສະຕິປັນຍາ ແລະ ລະວັງຢ່າເຊື່ອຄົນງ່າຍ.