ຈາກໂທລະສັບມືຖື ທີ່ຄ້າຍຄືກັບຄອມພິວເຕີທຸກມື້ນີ້ ມັນເປັນເລື່ອງປົກກະຕິທີ່ຈະຖືກໂຈມຕີເປັນປະຈໍາ. ແຕ່ສິ່ງທີ່ພວກເຮົາຕ້ອງຊອກຫາແມ່ນ ຖ້າຕິດເຊື້ອໄວຣັສເຮົາຄວນເຮັດແນວໃດ ມື້ນີ້ເຮົາຈະມາແນະນຳວິທີການງ່າຍໆໃຫ້ປະຕິບັດນໍາກັນ.
ລຶບ cache ແລະ ດາວໂຫລດ
ວິທີທໍາອິດແມ່ນພວກເຮົາສາມາດລຶບ ຫຼື Clear Cache ພາຍໃນເຄື່ອງ ຫຼື ໄຟລ໌ດາວໂຫລດທັງໝົດ ສໍາລັບຝັ່ງຜູ້ທີ່ໃຊ້ໂທລະສັບມືຖື Android
ເຂົ້າ Safe Mode
ສໍາລັບໂທລະສັບມືຖື Android ຈະມີໂໝດທີ່ອະນຸຍາດໃຫ້ຜູ້ໃຊ້ບໍ່ໃຊ້ລະບົບທັງຫມົດ ເພື່ອຈັດການກັບໄວຣັສຫຼືໄຟລ໌ທີ່ຜິດປົກກະຕິ, ເຊິ່ງແມ່ນ Safe Mode. ເພື່ອເຂົ້າໄປໂໝດດັ່ງກ່າວແມ່ນໃຫ້ໄປທີ່ເມນູປິດເຄື່ອງ. ຈາກນັ້ນກົດປຸ່ມເປີດປິດ ແລະກົດປຸ່ມປິດປິດຄ້າງໄວ້ຈົນກວ່າຮູບ Safe Mode ປະກົດຂຶ້ນ.
ລຶບແອັບທີ່ໜ້າສົງໄສ
ການລຶບແອັບເປັນອີກວິທີໜຶ່ງທີ່ຊ່ວຍກຳຈັດໄວຣັສໄດ້ເຊັ່ນກັນ, ສະນັ້ນ ຖ້າແອັບທີ່ບໍ່ຄຸ້ນເຄີຍປະກົດຂຶ້ນ, ທ່ານຄວນລຶບພວກມັນອອກ.
ປ່ຽນເຄືອຂ່າຍ
ບາງຄັ້ງໄວຣັສໃນກຸ່ມ Spyware ມັກຈະເຂົ້າມາໃນເຄືອຂ່າຍອິນເຕີເນັດ ພວກເຮົາສາມາດລອງປ່ຽນເຄືອຂ່າຍໄດ້ເຊັ່ນກັນ.
ປ່ຽນລະຫັດຜ່ານ
ເພື່ອເພີ່ມຄວາມປອດໄພຂອງບັນຊີຂອງທ່ານ ຖ້າໂທລະສັບມືຖືຂອງທ່ານຕິດເຊື້ອໄວຣັດ, ທ່ານຄວນປ່ຽນລະຫັດ ເພາະມັນຈະສ້າງຄວາມປອດໄພໃຫ້ທ່ານຫຼາຍຂຶ້ນເຊັ່ນກັນ.
ດັ່ງນັ້ນ, ຖ້າບໍ່ຢາກໃຫ້ມີຕິດເຊື້ອໄວຣັດໃນໂທລະສັບມືຖື ສິ່ງທີ່ທ່ານສາມາດເຮັດໄດ້ທັນທີແມ່ນ ອັບເດດໂທລະສັບມືຖືຂອງທ່ານເປັນເວີຊັນໃໝ່ຢູ່ຕະຫຼອດ, ຫຼີກເວັ້ນການດາວໂຫຼດຈາກແຫຼ່ງທີ່ມາທີ່ບໍ່ຖືກຕ້ອງ ວິທີນີ້ກໍສາມາດແກ້ໄຂໄດ້ເຊັ່ນກັນ.