ກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ກຽດເຂົ້າຮ່ວມສົ່ງເສີມກິດຈະກຳ ການເຮັດ Workshop ປະດິດໜ້າກາກທີ່ເຮັດດ້ວຍວັດຖຸດິບຫາງ່າຍໃນທ້ອງຖິ່ນ ແລະ ຈັດການສະແດງໜ້າກາກ ທີ່ ສານເຈົ້າພໍ່ພະຍາແກ້ວ ອຳເພີ ຊຽງຂອງ ຈັງຫວັດ ຊຽງລາຍ ເພື່ອຖ່າຍທອດເລື່ອງລາວຂອງຫຸ່ນກະບອກຈາກຮຸ່ນສູ່ຮຸ່ນ ຜ່ານຄະນະນັກສະແດງຫຸ່ນກະບອກຂອງ ປະເທດລາວ ໄດ້ແກ່ ເອື້ອຍຖີ (Thy Lemthy) ແລະ ອ້າຍ ສົມປອງ ອິນທະວົງ ພາຍໃຕ້ຫົວຂໍ້ ສົ່ງເສີມການທ່ອງທ່ຽວຍຸກໃໝ່ ໃນຊື່ “Experiencing ASEAN POP Culture”
ທັງເອື້ອຍຖີ ແລະ ອ້າຍສົມປອງ ເຄີຍຖືກເລືອກໃຫ້ເປັນຕົວແທນລະດັບປະເທດ ໄປສະແດງໃນຫຼາຍໆເທດສະການທັງໃນ ແລະ ຕ່າງປະເທດ. ນອກຈາກນີ້ ໃນຫົວຂໍ້ດັ່ງກ່າວ ຍັງມີຜົນງານຮູບແຕ້ມ ສິລະປະ “ແມ່ນໍ້າຂອງ” ຈາກຄູ່ຫູສິລະປິນນັກອອກແບບຮຸ່ນໃໝ່ ຊາວຫວຽດນາມ ເຊິ່ງໄດ້ນຳເອົາຮູບ Mural Printing ຂອງການຮ່ວມຈັບປາຂອງຊາວປະມົງທ້ອງຖິ່ນ ອັນສື່ເຖິງການຮ່ວມມື ແລະ ຄວາມສຳພັນອັນດີລະຫວ່າງ ປະເທດລາວ ແລະ ປະເທດໄທ ອີກດ້ວຍ
ການດຶງເອກະລັກທ້ອງຖິ່ນ ຜ່ານງານສ້າງສັນຂອງນັກສິລະປິນຄັ້ງນີ້ ຈັດໂດຍ ການທ່ອງທ່ຽວແຫ່ງປະເທດໄທ ເພື່ອສົ່ງເສີມການທ່ອງທ່ຽວຍຸກໃໝ່ໃນ “ເມືອງຮອງ” ພ້ອມກັບຂັບເຄື່ອນຄຸນຄ່າທາງດ້ານວັດທະນະທໍາ ແຕ່ລະທ້ອງຖິ່ນ ປະສົມປະສານງານສ້າງສັນແຫຼ່ງທ່ອງທ່ຽວ ຜ່ານວັດທະນະທໍາສະໄໝນິຍົມ ເຊື່ອມໂຍງດ້ານອາຫານ ສິລະປະ ວັນນະຄະດີ ດົນຕີ ແລະ ກິລາ ໂດຍເຊີນສິລະປິນຈາກ ໄທແລະ ອີກ 10 ປະເທດອາຊຽນ
ທ່ານ ກິດສະດາ ລັດຕະນະພືກ ຜູ້ອຳນວຍການພາກພື້ນອາຊີ ອາຊຽນໃຕ້ ແລະ ປາຊີຟິກໃຕ້ ການທ່ອງທ່ຽວແຫ່ງປະເທດໄທ ກ່າວວ່າ: ປີນີ້ປະເທດໄທໄດ້ຮັບກຽດເປັນເຈົ້າພາບອາຊຽນ ສະໜັບສະໜູນເມືອງຮອງ ໂດຍໃຫ້ໄທເປັນສູນກາງ ພາຍໃຕ້ໂຄງການ “Experiencing ASEAN POP Culture” ເພື່ອສົ່ງເສີມດ້ານພາບລັກການທ່ອງທ່ຽວ ທທທ ຈຶ່ງໄດ້ຊອກຫາເມືອງຮອງທີ່ມີ ສະຖານທີ່ຈົບງາມ ແລະ ມີຄຸນຄ່າດ້ານວັດທະນະທໍາຮ່ວມສະໄໝທັງໃນປະເທດ ແລະ ແຖບອາຊຽນ ໂດຍເຊື່ອມໂຍງເລື່ອງອາຫານ ສິລະປະ ວັນນະຄະດີ ດົນຕີ ກິລາ ແລະ ສື່ມວນຊົນ. ເພື່ອນຳເອົາຈຸດເດັ່ນຂອງແຕ່ລະເມືອງ ມາສ້າງເອກະລັກຂອງທ້ອງຖິ່ນ ຜ່ານຜົນງານສ້າງສັນຂອງສິລະປະຊື່ດັງຈາກອາຊຽນ. ໂດຍສື່ສານຜ່ານງານສິລະປະຫລາກຫລາຍຂະແໜງ ໃນແນວທາງວັດທະນະທໍານິຍົມ ຫຼື POP CULTURE ທີ່ສະແດງໃຫ້ເຫັນເຖິງຄວາມງາມ ຄວາມມ່ວນຊື່ນໃນຫລາຍຮູບແບບ
ທທທ. ເຊື່ອວ່າໂຄງການນີ້ຈະສາມາດສ້າງກະແສການເດີນທາງເຊື່ອມໂຍງທາງດ້ານທ່ອງທ່ຽວໃນພາກພື້ນອາຊຽນເຂົ້າໄວ້ນຳກັນ. ພ້ອມກະຕຸກຊຸກຍູ້ການທ່ອງທ່ຽວເມືອງຮອງໃຫ້ຟົດຟື້ນ ແລະ ສາມາດສ້າງລາຍໄດ້ໃຫ້ຊຸມຊົມໄດ້ຫລາຍຂຶ້ນ
ດ້ານ ທ່ານ ນາງ ອະລຸນລຸ່ງ ສີວັດທະນະປະພາ ຜູ້ຊ່ວຍປະທານ ເຈົ້າໜ້າທີ່ຝ່າຍການເງິນ ກຸ່ມບໍລິສັດ ຄິງພາວເວີ ກ່າວວ່າ: ໃນຖານະຜູ້ນໍາດ້ານທຸລະກິດການທ່ອງທ່ຽວລະດັບໂລກ ແລະ ເປັນ Gate Way ຂອງນັກທ່ອງທ່ຽວ ທົ່ວໂລກ ພ້ອມເປັນກຳລັງສຳຄັນໃນການປະຊາສຳພັນການທ່ອງທ່ຽວໄທ ເຊິ່ງເມືອງຮອງຂອງປະເທດໄທ ມີສະຖານທີ່ຫລາກຫລາຍທີ່ມີເອກະລັກສະເພາະ ແລະ ມີຄຸນຄ່າ ເຊິ່ງການສະທ້ອນພາບເຫລົ່ານີ້ຜ່ານງານສິລະປະຂອງສິລະປິນຊື່ດັງ ໃນໂຄງການ “Experience ASEAN POP Culture” ຖືວ່າເປັນກົນລະຍຸດໃໝ່ທີ່ສາມາດດຶງດູດນັກທ່ອງທ່ຽວຄຸນນະພາບຈາກ ເອີລົບ ຫຼື ຈີນ ໃຫ້ເກີດຄວາມສົນໃຈ ແລະ ຮູ້ຈັກການວາງແຜນທ່ອງທ່ຽວເມືອງຮອງຂອງປະເທດໄທຫລາຍຂຶ້ນ. ເພື່ອສື່ສານຜ່ານຜົນງານສິລະປະ ບັນດາສິລະປິນຊື່ດັງຈາກປະເທດໄທ ແລະ 10 ປະເທດອາຊຽນ ເຊິ່ງພວກເຂົາຕ້ອງໄດ້ໃຊ້ຄວາມສາມາດທາງດ້ານສິລະປະເພື່ອສ້າງສີສັນຄວາມມ່ວນ ດ້ວຍສະເໜ່ຂອງແຕ່ລະປະເທດ ເພື່ອເຮັດໃຫ້ເກີດຄຸນຄ່າໃນການທ່ອງທ່ຽວແບບວັດທະນະທໍາ
ບັນຍາກາດໃນງານຖະແຫຼງຂ່າວມື້ນີ້ ຍັງປະກອບມີກິດຈະກຳທີ່ໜ້າສົນໃຈ ເປັນຕົ້ນແມ່ນ ການສະແດງເປີດງານ ແລະ ກິດຈະກຳພົບປະໂອ້ລົມກັບສິລະປິນທັງໄທ ແລະ ອາຊຽນກ່ຽວກັບງານ “Experiencing ASEAN POP Culture” ແລະ ສົນທະນາ ໃນຫົວຂໍ້ “ອິດທິພົນຂອງສິລະປະສະໄໝນິຍົມທີ່ມີຕໍ່ອຸດສະຫະກຳການທ່ອງທ່ຽວ” ລວມທັງງານສະແດງ ຜົນງານ Exhibition Exploring ເມືອງຮອງ ທັງ 5 ແຫ່ງ ເຊິ່ງຈະຈັດສະແດງຕັ້ງແຕ່ 13-15 ກັນຍາ ນີ້. ບໍລິເວນ Crown Atrium ຊັ້ນ 2 ຄິງ ພຣາວເວີ ຊອຍລາງນໍ້າ ປະເທດໄທ
