ສອງໂຕຕຶງ TEAM EEVO QT ແລະ IDNS PRINCESS ສອງທີມສຸດທ້າຍທີ່ສາມາດແຂ່ງຂັນ ລາຍການ MLBB WOMEN ແລ້ວຊະນະເກັບແຕ້ມມາໄດ້ ຈົນຜ່ານເຂົ້າຮອບ FINAL ແບບ OFFLINE ໃນການແຂ່ງຂັນ LAO NATIONAL CHAMPIONSHIP 2022 ທີ່ຈະຈັດຂຶ້ນໃຫ້ທຸກຄົນໄດ້ໄປເຊຍກັນໃນເດືອນທັນວາ.

ສະຫະພັນກິລາອີສະປອດແຫ່ງຊາດລາວ ໄດ້ໃຫ້ຮູ້ວ່າ: ໃນການແຂ່ງຂັນ LAO NATIONAL CHAMPIONSHIP 2022 ຈະມີການແຂ່ງຂັນທັງໝົດ 5 ເກມ ເຊິ່ງປະກອບມີເກມ MOBILE LEGEND BANG BANG, VALORANT, FREEFIRE, PUBG MOBILE ແລະ AOV ເຊິ່ງແຕ່ລະເກມຈະໄດ້ມີການແຂ່ງຂັນໃນຮອບແບ່ງກຸ່ມ ແລະແຕ່ລະທີມຈະຕ້ອງແຂ່ງຊະນະເກັບແຕ້ມໃຫ້ສູງ ເພື່ອຫາຜູ້ຊະນະໄປແຂ່ງຂັນໃນ ຮອບ FINAL OFFLINE ໃນວັນທີ 17-18 ທັນວາ 2022 ນີ້ ທີ່ສູນການຄ້າວຽງຈັນເຊັນເຕີ້ ນະຄອນຫຼວງວຽງຈັນ.

ໂດຍປັດຈຸບັນ ມີ 2 ລາຍການເກມທີ່ແຂ່ງໄປແລ້ວ ຄື AOV ມີ 4 ທີມທີ່ໄດ້ແຂ່ງ FINAL OFFLINE ແມ່ນ SECOND TEAM, GENIUS ESPORTS, PARADISE ESPORTS ແລະ BLACKMOON, ສ່ວນລາຍການເກມ MOBILE LEGEND WOMEN ມີທີມ TEAM EEVO QT ແລະ IDNS PRINCESS.

ສຳລັບ 3 ເກມທີ່ຍັງບໍ່ໄດ້ເລີ່ມແຂ່ງ ແລະ ຍັງເປີດຮັບສະໝັກຜູ້ເຂົ້າແຂ່ງຂັນຢຸ່ໄດ້ແກ່ VALORANT, FREEFIRE ແລະ PUBG MOBILE, ສຳລັບບັນດານັກກິລາອີສະປອດທັງຫຼາຍແມ່ນ ສາມາດເຂົ້າໄປຂໍຂໍ້ມູນໃນການສະໝັກລົງແຂ່ງ ໄດ້ກັບທາງ ສະຫະພັນກິລາອີສະປອດແຫ່ງຊາດລາວ.

ຂໍ້ມູນຈາກ: Lao Esports Federation