ເຄີນເປັນບໍ່ ໄປທ່ຽວ ຫຼືໄປໃສມາໃສດຽວນີ້ຕ້ອງໄດ້ເປີດ Google Map ເພາະບໍ່ເນັ້ນຈື່ທາງ! ໃນຍາມທີ່ເຮົາໄປທ່ຽວຖ້າເຮົາມີອິນເຕີເນັດກໍຈະຊ່ວຍໃຫ້ເຮົາຫາທາງງ່າຍຂຶ້ນ ແຕ່ຖ້າຫາກເປັນມື້ທີ່ເຮົາຟ້າວ ແລະ ບໍ່ມີອິນເຕີເນັດ ຈະເປັນແນວໃດ ເຮົາຈະມົ້ວເສັ້ນທາງໜ້າງານເລີຍແບບນັ້ນບໍ່ໄດ້.ມື້ນີ້ເຮົາເລີຍຈະມາແນະນຳວິທີປັກໝຸດເສັ້ນທາງເກັບໄວ້ໃນ Google Map ເອົາໄວ້ໃຊ້ໃນຍາມທີ່ເຮົາບໍໍ່ມີອິນເຕີເນັດ ແລະ ບໍ່ຕ້ອງຊອກ ຫຼືຄົ້ນຫາສະຖານທີ່ຕ່າງໆໃຫ້ວຸ້ນວາຍອີກ.
ການປັກໝຸດໃນຄອມ ກັບ ໂທລະສັບມືຖືແມ່ນທັງສອງຈະຊິງຂໍ້ມູນກັນກັບແອັບພິເຄຊັນ Google Map ຜ່ານແອັກເຄົ້າຂອງ Google ເພາະສະນັ້ນເຮົາຈະແນະນຳແບບໂທລະສັບມືຖືແຕ່ລະຂັ້ນຕອນ ເພື່ອງ່າຍຕໍ່ການນໍາໃຊ້ຂອງທຸກຄົນ ໄປເລີ່ມປະຕິບັດນໍາກັນເລີຍ.
ວິທີການການປັກໝຸດການເດີນທາງຈາກເສັ້ນທາງຂອງເຮົາ:
- ເປີດແອັບ Google Maps ໃນອຸປະກອນມືຖືຂອງທ່ານ.
- ເລືອກຟັງຊັນ “ໄປ” ທີ່ຢູ່ດ້ານລຸ່ມ.
- ເບິ່ງລາຍການທີ່ແນະນຳແມ່ນໃຫ້ເລື່ອນຂຶ້ນຈາກແຖບດ້ານລຸ່ມ.
- ຈາກນັ້ນຄົ້ນຫາປາຍທາງທີ່ເຮົາຕ້ອງການປັກໝຸດ ກົດຄ້າງທີ່ສະຖານທີ່ແລ້ວເລືອກ “ເສັ້ນທາງ” ແລ້ວເລືອກປັກໝຸດເກັບໄວ້.
ສຳລັບວິທີການໃຊ້ງານໂຕທີ່ເຮົາປັກໝຸດໄວ້:
- ເປີດແອັບ Google Maps ໃນອຸປະກອນມືຖືຂອງທ່ານ.
- ເລືອກຟັງຊັນ “ໄປ” ທີ່ຢູ່ດ້ານລຸ່ມ.
- ເບິ່ງລາຍການທີ່ແນະນຳແມ່ນໃຫ້ເລື່ອນຂຶ້ນຈາກແຖບດ້ານລຸ່ມ.
- ຈາກນັ້ນຄົ້ນຫາການເດີນທາງທີ່ເຮົາປັກໝຸດໄວ້ດ້ານລຸ່ມ ແລ້ວເລືອກເອົາເສັ້ນທາງໄດ້ເລີຍ (ຖ້າບໍ່ມີອິນເຕີເນັດກໍສາມາດເບິ່ງເສັ້ນທາງທີ່ທີ່ເຮົາປັກໝຸດໄວ້ໄດ້).