Arts and Cultures

ໃນວັນທີ 26 ຕຸລາ 2022 ນີ້ ຈະມີພິທີສ້າງເມມ ພຣະອາຈານໃຫຍ່ ມະຫາບົວຄຳ ສາຣິບຸດ, ອະດີດຮອງປະທານສູນກາງອົງການພຸດທະສາສະໜາສຳພັນແຫ່ງ ສປປ ລາວ ແລະ ອະດີດເຈົ້າອະທິການ ວັດຂົວຫຼວງ, ເມືອງ ຈັນທະບູລີ, ນະຄອນຫຼວງ ວຽງຈັນ ເຊິ່ງຈະຈັດເປັນກໍລະນີພິເສດທີ່ເດີ່ນພຣະທາດຫຼວງ ແລະ ມີກຳນົດວັນຖວາຍພະເພີງ ໃນວັນເສົາທີ 26 ພະຈິກ 2022.

“ກີ່ແອວ” ອຸປະກອນທີ່ໃຊ້ເຂົ້າໃນການຕ່ຳແຜ່ນແພ ແມ່ນເປັນການສະແດງເຖິງ ພູມປັນຍາຂອງແມ່ຍິງ ຊົນເຜົ່າກະຕູ ທີ່ມີໜ້າທີ່ຕ່ຳແຜ່ນຜ້າ ເພື່ອໃຊ້ເປັນເຄື່ອງນຸ່ງຫົ່ມ, ໂດຍການຕ່ຳແຜ່ນຜ້າຂອງແມ່ຍິງຊົນເຜົ່າກະຕູ ຈະໃຊ້ “ກີ່ແອວ” ເປັນຫຼັກ ທີ່ມີຄວາມຍາວປະມານ 4-5 ວາ, ໃຊ້ວິທີການນັ່ງຕ່ຳ ໂດຍການຢຽດຂາອອກ ແລ້ວໃຊ້ຕີນທັງສອງເບື້ອງຢັນໄມ້ໄວ້ ເຊິ່ງການໃຊ້ ກີ່ແອວ ຕ່ຳແຜ່ນແພນີ້ ແມ່ນຈະໄດ້ຜ້າແພທີ່ກວ້າງປະມານ ເຄິ່ງແມັດ.

ງານບຸນພຣະທາດຫຼວງວຽງຈັນ ປະຈໍາປີ 2022 ຈະມີຈັດຂຶ້ນຕັ້ງແຕ່ວັນທີ 4 ພະຈິກ ເຊິ່ງພາຍໃນງານຈະມີສິນຄ້າທີ່ມີຄຸນນະພາບ ແລະ ລາຄາຖືກໃຫ້ເລືອກ, ນອກນັ້ນ ຍັງມີກິດຈະກຳ ຫຼິ້ນເກມງານບຸນຕ່າງໆບໍ່ວ່າຈະເປັນ ຊັດປຸມເປົ້າ, ຍິງປືນຂອງຫຼິ້ນ, ຂ້ອງຄໍເປັດ ແລະ ອື່ນໆອີກຫຼາກຫຼາຍ.

ຈຸດດຳທີ່ກາງເອີກ ຄືຈຸດລວມຂອງຈິດໃຈ ແລະ ຄວາມຮູ້ສຶກຂອງຜູ້ສ້າງເອງ ເນື່ອງຈາກວ່າເວລາທີ່ເກີດ ເຫດການ ທີ່ເປັນພາວະຄວາມເສົ້າ ກໍຈະມີເສັ້ນສາຍອັນດຳມຶດກໍ່ຕົວ ແລະ ມ້ວນພັນກັນ ຈົນກາຍເປັນກ້ອນຄວາມຮູ້ສຶກທີ່ໃຫຍ່ ແລະໃຫຍ່ຂຶ້ນເລື້ອຍໆ ຈົນຮອດຈຸດໜຶ່ງ ເສັ້ນສາຍເຫຼົ່ານັ້ນ ກໍຄ່ອຍໆຄາຍອອກຈາກກັນ.

ງານວາງສະແດງສິລະປະ The XYZ Contemporary Art Exhibition 2022 ຫຼື ເປັນຊື່ພາສາລາວຄື ການວາງສະແດງສິລະປະເດິເອັກວາຍແຊັດ ສຳລັບງານວາງສະແດງສິລະປະໄດ້ສຸມໃສ່ ສິນລະປີນທີ່ນອນຢູ່ໃນ 4 ຂະແໜງການຄື: ຂະແໜງການແຕ້ມຮູບ, ຂະແໜງການຖ່າຍຮູບ, ຂະແໜງການແຜ່ນຜ້າ ແລະຂະແໜງສິລະປະແຫ່ງການຕິດຕັ້ງ, ເຊິ່ງໃນປີນີ້ໄດ້ຮັບການສະໜັບສະໜູນຈາກທາງ Luxemburg Aid & Development ຮ່ວມມືກັບຫ້າງ Parkson ແລະ ທະນາຄານ ການຄ້າຕ່າງປະເທດລາວມະຫາຊົນ, ການຈັດງານຄັ້ງນີ້ ກໍເພື່ອສົ່ງເສີມສິນລະປີນລາວ.

ຫຼາຍທ່ານອາດຈະສົງໄສວ່າ ພຣະທາດທີ່ຕັ້ງຢູ່ດ້ານຫຼັງຂອງກະຊວງ ພະລັງງານ ແລະ ບໍ່ແຮ່ ເປັນພຣະທາດຫຍັງ ແລະ ສ້າງຂຶ້ນມາຕອນໃດ? ອີງຕາມຂໍ້ມູນຈາກ ພຣະອາຈານ ມະຫາ ດຣ ບຸນທະວີ ວິໄລຈັກ ໃຫ້ຮູ້ວ່າ ພຣະທາດອົງດັ່ງກ່າວ ເປັນພຣະທາດທີ່ບັນຈຸອັດຖິ ຂອງພຣະອໍຣະຫັນ 2 ພຣະອົງ

"ຜ້າປຽວ" ເປັນຜ້າຄຸມຫົວຂອງຊົນເຜົ່າໄຕ໋ດຳ ເປັນສິ່ງມີຄວາມສຳຄັນດ້ານຈິດໃຈ ສຳລັບແມ່ຍິງເຜົ່າໄຕ໋ດຳ ເພາະໃຊ້ເປັນຂອງແທນໃຈ ແລະ ຍັງເປັນສ່ວນໜຶ່ງໃນເຄື່ອງນຸ່ງ ອັນເປັນເອກະລັກ ຄວາມງາມຂອງແມ່ຍິງໄຕ໋ດຳ ດັ່ງນັ້ນ, ແມ່ຍິງໄຕ໋ດຳ ສະໄໝກ່ອນຈຶ່ງຕ້ອງຕ່ຳ ແລະ ປັກລາຍ "ຜ້າປຽວ" ເປັນທຸກຄົນ ເພື່ອສະແດງເຖິງສີມື ຂອງແມ່ຍິງຄົນນັ້ນ ລວມທັງຄວາມດຸໝັ່ນ ແລະ ຄວາມເປັນແມ່ສີເຮືອນ.

“ຕາແຫຼວ” ເປັນວັດທະນະທຳແຫ່ງດິນແດນ ອຸສາຄະເນ, ຕາມຄວາມເຊື່ອຂອງຫຼາຍໆຊົນເຜົ່າໃນລາວແລ້ວ ແມ່ນເຊື່ອວ່າ ເປັນສັນຍາລັກແຫ່ງ ຈິດວິນຍານຂອງຟ້າແຖນ ທີ່ເອີ້ນວ່າ “ຂວັນ” ມີຮູບຮ່າງຕ່າງໆ ບໍ່ວ່າຈະເປັນ ວົງມົນມີແຊກອ້ອມ, ເປັນຂົດວົງມົນກົ້ນຫອຍ, ສາມຫຼ່ຽມ, ສີ່ຫຼ່ຽມ, ຫ້າຫຼ່ຽມ, ຫົກຫຼ່ຽມ ໄປຈົນເຖິງ ແປດຫຼ່ຽມ.