News

ພາຍຫຼັງທີ່ ງານມະຫະກໍາ ກິລາແຫ່ງຊາດ ຄັ້ງທີ່ XI ຖືກເລື່ອນການແຂ່ງຂັນ ມາຫຼາຍຄັ້ງ ເນື່ອງຈາກສະພາບອາກາດ ແລະ ການແຜ່ລະບາດ ຂອງເຊື້ອໂຄວິດ-19 ໃນໄລຍະຜ່ານມາ, ມາຮອດປະຈຸບັນ ງານມະຫະກໍາກິລາແຫ່ງຊາດ ຄັ້ງທີ XI ແມ່ນໄດ້ຮັບການຢືນຢັນແລ້ວ ວ່າຈະເປີດສາກຂຶ້ນ ຢ່າງເປັນທາງການ ລະຫວ່າງວັນທີ 13-22 ທັນວາ 2022 ຢູ່ແຂວງຊຽງຂວາງ ໂດຍຈະມີ ນັກກິລາທັງໝົດ 3.003 ຄົນ ຈາກ 1 ນະຄອນຫຼວງ 17 ແຂວງ ແລະ 4 ກະຊວງ ເຂົ້າຮ່ວມຊິງໄຊໃນທັງໝົດ 25 ປະເພດກິລາ. ສືບຕໍ່ໃຫ້ການສະໜັບສະໜູນຫຼັກ ໃນງານແຂ່ງຂັນ ມະຫາກໍາກິລາແຫ່ງຊາດ ພິເສດ ໃນປີນີ້, ບໍລິສັດ ເບຍລາວ ຈໍາກັດ ໂດຍຜ່ານຜະລິດຕະພັນ ນໍ້າດື່ມ ກາຫົວເສືອ, ເປບຊີ ແລະ ສະຕິງ ໄດ້ປະກອບສ່ວນ ຊຸກຍູ້ ທຶນຮອນ ໃນການຈັດການແຂ່ງຂັນ ຫຼາຍກ່ວາ 1.5 ຕື້ກີບ ໃນນາມ ຄູ່ຮວມທາງການ ຂອງງານມະຫະກໍາ ກິລາແຫ່ງຊາດ.

ກະແສການເອົາແຮງງານລາວ ໄປເຮັດວຽກຕາມລະດູການຢູ່ ສ.ເກົາຫຼີ ກຳລັງມາແຮງ ເຮັດຫຼາຍບໍລິສັດ ພາກັນຂົນຂວາຍເອົາຄົນລາວ ໄປເຮັດວຽກໂດຍຮຽກຮ້ອງຄ່າມັດຈໍາ ແຕ່ກໍບໍ່ສົ່ງໄປຕາມທີ່ກຳນົດ ເຊິ່ງຫຼາຍຄົນບໍ່ຮູ້ເລີຍວ່າ ບໍລິສັດດັ່ງກ່າວໄດ້ຮັບອະນູຍາດຫຼືບໍ່.

ແຂວງ ຊຽງຂວາງໄດ້ຈັດ ພິທີສະເຫຼີມສະຫຼອງໃບຢັ້ງຢືນ ມໍຣະດົກໂລກໄຫຫີນ ແຫ່ງທີ 3 ຂອງ ສປປ ລາວ ຂຶ້ນຢູ່ບໍລິເວນ ທົ່ງໃຫ້ຫີນ 1 ບ້ານນາໂອ ເມືອງແປກ ແຂວງ ຊຽງຂວາງ ໂດຍເປັນກຽດເຂົ້າຮ່ວມ ຂອງທ່ານ ກິແກ້ວ ໄຂຄຳພິທູນ ຮອງນາຍົກ ລັດ ຖະມົນຕີ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວວັດທະນະທຳ ແລະ ທ່ອງທ່ຽວ, ທ່ານ ບຸນຈັນ ສີວົງພັນ ເຈົ້າແຂວງຊຽງຂວາງ, ມີຜູ້ຕາງໜ້າອົງການອຸຍແນສໂກ, ມີອຳນາດການປົກຂອງແຂວງ, ເມືອງ, ພ້ອມດ້ວຍຊາວບ້ານ ໄດ້ເຂົ້າຮ່ວມ.

ການລັກຊັບພົນລະເມືອງໃນນະຄອນຫຼວງວຽງຈັນ (ນວ) ຍັງເປັນບັນຫາທີ່ພົ້ນເດັ່ນ ແລະ ເກີດຂຶ້ນໃນແຕ່ລະວັນຈໍານວນຫຼາຍຄັ້ງ ເປັນຕົ້ນແມ່ນບັນຫາການລັກລົດຈັກ ເຊິ່ງກຸ່ມຄົນບໍ່ດີດັ່ງກ່າວໄດ້ກໍ່ເຫດເຄື່ອນໄຫວກະທໍາຜິດແບບຕ່ອງໂສ້ ແລະ ເປັນກຸ່ມແກ້ງ.

ຂະແໜງທ່ອງທ່ຽວຫົວພັນ ຮ່ວມກັບສູນຄົນພິການ ໄດ້ລົງພື້ນທີ່ສວນດອກຊາກຸຣະ ມິດຕະພາບ ລາວ-ຍີ່ປຸນ ເພື່ອສຳຫຼວດສຳລັບສ້າງຈຸດຖ່າຍຮູບ ແລະ ຕິດຕັ້ງປ້າຍຕ່າງໆພາຍໃນງານນິທັດສະການທ່ຽວຊົມດອກຄາຍປ່າ & ດອກຊາກຸຣະແລ້ວ ເຊິ່ງປີນີ້ຈັດຢູ່ສວນ ມິດຕະພາບ ລາວ-ຍີ່ປຸນ ແລະ ຍິ່ງໃຫຍ່ກວ່າທຸກໆປີ.

ສວນວັດທະນະທຳຊຽງຄວນ ເປັນແຫຼ່ງທ່ອງທ່ຽວທາງວັດທະນະທຳ ທີ່ຕັ້ງຢູ່ ເມືອງ ຫາດຊາຍຟອງ, ນະຄອນຫຼວງ ວຽງຈັນ ເປັນແຫຼ່ງທ່ອງທ່ຽວທີ່ຂຶ້ນຊື່ ແລະ ມີປະຫວັດຄວາມເປັນມາທີ່ໜ້າສົນໃຈ ຈົນສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດ ເຂົ້າມາທ່ຽວໄດ້ເປັນຢ່າງດີ.

ໃກ້ຮອດວັນຊາດ ວັນທີ 2 ທັນວາ ຄົບຮອບ 47 ປີ ອົງການຕ່າງໆ ແລະ ເຂດບ້ານກໍໄດ້ພ້ອມກັນ ປະດັບປະດາທຸງຊາດ, ທຸງພັກ, ທຸງທີວ ຢ່າງສວຍງາມ ເພື່ອກະກຽມຂໍ່ານັບຮັບຕ້ອນ ແລະ ສະເຫຼີມສະຫຼອງວັນດັ່ງກ່າວ.

ທີ່ ຫ້ອງການບ້ານ ບ້ານນໍ້າຊານ ໄດ້ມີພິທີຮັບຮອງ ບ້ານ ນໍ້າຊານ ແລະ ບ້ານຫຼວງພັນໄຊ ເມືອງລ້ອງແຈ້ງ ແຂວງໄຊສົມບູນ ເປັນບ້ານວັດທະນະທຳ ໂດຍການເຂົ້າຮ່ວມເປັນປະທານຂອງ ທ່ານ ຕົ່ງມົວ ຊົວໂກ້, ຮອງເຈົ້າແຂວງໄຊສົມບູນ ຜູ້ຊິ້ນຳວຽກງານ ວັດທະນະທຳ-ສັງຄົມ ແລະ ຜູ້ທີ່ກ່ຽວຂ້ອງ ເຂົ້າຮ່ວມ.