Travel

ສປປ ລາວ ເຕັມໄປດ້ວຍຊັບພະຍາກອນທີ່ອຸດົມສົມບູນ ມີທັງປ່າໄມ້ຂຽວງາມ ສັດປ່ານາໆຊະນິດ ແລະ ນໍ້າຕົກຕາດທີ່ຫຼາກຫຼາຍ ຄຽງຄູ່ໄປກັບເມືອງ ແລະ ໝູ່ບ້ານທີ່ສ່ວນໃຫຍ່ຍັງມີກິ່ນອາຍຂອງອານານິຄົມຝຣັ່ງ, ໂດຍມື້ນີ້ ອິນໄຊລາວ ຈະມາແນະນຳສະຖານທີ່ທ່ອງທ່ຽວ ທີ່ຢາກໃຫ້ທຸກຄົນໄດ້ໄປລອງສຳພັດເບິ່ງ ເພາະນອກຈາກສະຖານທີ່ທ່ອງທ່ຽວທີ່ເປັນທີ່ຮູ້ຈັກແລ້ວ ກໍຍັງມີສະຖານທີ່ທ່ອງທ່ຽວ ທີ່ຍັງບໍ່ເປັນທີ່ຮູ້ຈັກ ຫຼື ເປີດໃໝ່ ເຊິ່ງຈະມີບ່ອນໃດແນ່ໄປເບິ່ງນຳກັນເລີຍ.

ປີໃໝ່ສາກົນນີ້ ວາງແຜນໄປທ່ຽວໃສແລ້ວບໍ່ ເຮັດວຽກມາໝົດປີ ມີມື້ພັກກໍຕ້ອງໃຊ້ໃຫ້ຄຸ້ມ ເຮົາຈະພາໄປເບິ່ງລາຄາໂຮງແຮມຕາມສະຖານທີ່ທ່ອງທ່ຽວຍອດນິຍົມທີ່ຫຼາຍຄົນພາກັນຄົ້ນຫາ ເພື່ອທີ່ຈະຮູ້ລາຄາ ກ່ອນເອົາໄປວາງແຜນທ່ຽວ ໃນແຕ່ລະບ່ອນນໍາກັນ.

ສວນນ້ຳພຸ ທີ່ຕັ້ງຢູ່ບ້ານ ຊຽງຍືນ, ເມືອງ ຈັນທະບູລີ ເປັນອີກຈຸດແລນມາກໜຶ່ງຂອງ ນະຄອນຫຼວງ ວຽງຈັນ ກໍຄື ປະເທດລາວ ເນື່ອງຈາກວ່າ ສະຖານທີ່ດັ່ງກ່າວ ຖືກຕັ້ງໃຫ້ເປັນຈຸດໃຈກາງຂອງ ນະຄອນຫຼວງ ວຽງຈັນ ຫຼື ກິໂລແມັດທີ 0 ທີ່ນັກທ່ອງທ່ຽວທັງ ພາຍໃນ ແລະ ຕ່າງປະເທດ ໃຫ້ຄວາມສົນໃຈມາທ່ຽວ ແລະ ຖ່າຍຮູບຢູ່ຈຸດນີ້ ຕັ້ງແຕ່ອະດີດຈົນຮອດປັດຈຸບັນ.

ດອຍກາວ ເປັນອີກສະຖານທີ່ທ່ອງທ່ຽວແຫ່ງໜຶ່ງຂອງເມືອງ ໄຊສະຖານ, ແຂວງ ໄຊຍະບູລີ ທີ່ສາມາດດຶງດູດ ນັກທ່ອງທ່ຽວ ມາທ່ຽວຊົມໄດ້ ໂດຍສະເພາະແມ່ນໃນລະດູໜາວຈະມີນັກທ່ອງທ່ຽວເຂົ້າມາຢ້ຽມຢາມຫຼາຍກວ່າລະດູອື່ນໆ ເນື່ອງຈາກວ່າມີອາກາດດີ, ມີທະເລໝອກໃຫ້ຊົມ, ໄດ້ສຳພັດກັບອາກາດໜາວເຢັນ, ຊົມຕາເວັນຂຶ້ນໃນຕອນເຊົ້າ ແລະ ຊົມຕາເວັນຕົກໃນຕອນຄ້ອຍຄ່ຳຍາມແລງ.

ສວນວັດທະນະທໍາຊຽງຄວນ ທີ່ຕັ້ງຢູ່ ເມືອງ ຫາດຊາຍຟອງ, ນະຄອນຫຼວງ ວຽງຈັນ ເປັນສະຖາທີ່ທ່ອງທ່ຽວດ້ານວັດທະນະທໍາ ທີ່ມີຄວາມສຳຄັນ ເຊິ່ງມີນັກທ່ອງທ່ຽວຈາກພາຍໃນ ແລະ ຕ່າງປະເທດ ໃຫ້ຄວາມສົນໃຈໄປຢ້ຽມຢາມເປັນຈຳນວນຫຼາຍ, ໂດຍສວນແຫ່ງນີ້ ໄດ້ມີການປັບປຸງ ແລະ ພັດທະນາຢ່າງຕໍ່ເນື່ອງ ເປັນຕົ້ນແມ່ນການປັບປຸງເສັ້ນທາງຍ່າງພາຍໃນສວນ, ສ້າງສວນສາທາລະນະ, ຮ້ານອາຫານ, ບ່ອນຫຼິ້ນເດັກນ້ອຍ, ຕູບພັກເຊົາ ແລະ ສະຖານທີ່ຈອດລົດໃຫ້ກວ້າງຂວາງ ເພື່ອອໍານວຍຄວາມສະດວກໃຫ້ແກ່ນັກທ່ອງທ່ຽວ.

ທົ່ງໄຫຫີນ ຫຼື ໄຫຫີນພູຄູນ ທີ່ຕັ້ງຢູ່ບ້ານ ພູວຽງນ້ອຍ, ເມືອງ ພູຄູນ, ແຂວງ ຫຼວງພະບາງ ເປັນສິ່ງມະຫັດສະຈັນໜຶ່ງ ທີ່ມີຄວາມສຳຄັນທາງດ້ານປະຫວັດສາດ ເຊິ່ງມີຮູບແບບລັກສະນະຄ້າຍຄືກັບໄຫ ເຮັດດ້ວຍຫີນທີ່ແຂງແກ່ນ ແລະ ມີຂະໜາດໃຫຍ່ ກະແຈກກະຈາຍຢູູ່ຕາມບໍລິເວນທົ່ງຫຍ້າ, ໂດຍໄດ້ມີການແກະສະລັກເທິງໄຫແຕ່ລະໜ່ວຍ ມີຮູບແບບສີສັນທີ່ມີຄວາມແຕກຕ່າງກັນ ແລະ ແຕກຕ່າງຈາກໄຫຫີນທີ່ຢູ່ ແຂວງ ຊຽງຂວາງ.

ນ້ຳຕົກຕາດຜາສ້ວມ ມີຄວາມສວຍສົດງົດງາມ, ມີປ່າໄມ້ທີ່ອຸດົມສົມບູນ ເຕັມໄປດ້ວຍທຳມະຊາດ ແລະ ນ້ຳໃສສະອາດ, ນ້ຳຈະງາມໃນຊ່ວງວັນທີ 19-23 ຂອງເດືອນ ຕຸລາ ຕົວຕາດເປັນຜາລຽນຕັ້ງເປັນລະບຽບ ມີຄວາມສູງປະມານ 5-7 ແມັດ ແລະມີກະແສນ້ຳທີ່ໄຫຼຜ່ານຕາມຜາຫີນດັ່ງກ່າວ  ເຊິ່ງນ້ຳຕົກທີ່ໄຫຼຈາກຫ້ວຍຈຳປີ ອັນມີຈຸດກຳເນີດຈາກ ພູເທວະດາ ເມືອງປາກຊ່ອງ ເຊິ່ງເປັນສາຍນ້ຳທີ່ໄຫຼຈາກໃຕ້ໄປຫາເໜືອ ທີ່ຜ່ານຫີນທີ່ມີຂະໜາດໃຫຍ່ ທີ່ມີລັກສະນະເປັນໂງ່ນຫີນ ຮູບຮ່າງຄືກັບຫ້ອງນອນຂອງຄູ່ບ່າວສາວ.

ອີງຕາມຂໍ້ມູນຈາກ ພະແນກສະຖິຕິ ແລະ ວິໄຈການທ່ອງທ່ຽວ, ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2022 ມີຈໍານວນນັກທ່ອງທ່ຽວພາຍໃນເຂົ້າທ່ອງທ່ຽວໃນບັນດາແຂວງທົ່ວປະເທດເຖິງ 756.338 ຄົນ ແລະ ແຂວງທີ່ນັກທ່ອງທ່ຽວເດີນທາງໄປຫຼາຍທີ່ສຸດ ແມ່ນແຂວງຄໍາມ່ວນ ທີ່ມີເຖິງ 161. 092 ຄົນ, ຮອງລົງມາແມ່ນແຂວງ ສະຫວັນນະເຂດ 120.357 ຄົນ.