Travel

ຜາພຣະ ທີ່ຕັ້ງຢູ່ບ້ານ ປາກງ້າວ, ເມືອງ ຫ້ວຍຊາຍ, ແຂວງ ບໍ່ແກ້ວ ເປັນສະຖານທີ່ທ່ອງທ່ຽວ ທາງວັດທະນະທຳທີ່ສັກສິດ ແລະ ມີທຳມະຊາດທີ່ໜ້າທ່ອງທ່ຽວ ປະສົມປະສານກັບວັດທະນະທຳໄດ້ຢ່າງກົມກືນ ເຊິ່ງຢູ່ຫ່າງຈາກ ຕົວເມືອງ ຫ້ວຍຊາຍ ປະມານ 15 ກິໂລແມັດ.

າດຈໍ ເມືອງ ຊານໄຊ, ແຂວງ ອັດຕະປື ເປັນອີກສະຖານທີ່ທ່ອງທ່ຽວທາງທຳມະຊາດທີ່ສວຍງາມ ເຊິ່ງໃນປັດຈຸປັນ ຜູ້ສຳປະທານຕາດດັ່ງກ່າວ ແມ່ນກຳລັງພວມເອົາໃຈໃສ່ ຈັດສັນ, ປັບປຸງ, ຄຸ້ມຄອງສະຖານດັ່ງກ່າວ ໃຫ້ໄດ້ມາດຕະຖານ ແລະ ເຂົ້າສູ່ຄວາມເປັນລະບຽບສວຍງາມ, ເພື່ອເປົ້າໝາຍດຶງດູດນັກດູດນັກທ່ອງທ່ຽວ ພາຍໃນແຂວງ ແລະ ຕ່າງແຂວງ ໃຫ້ເຂົ້າໄປທ່ຽວຊົມ, ອີກທັງສ້າງວຽກເຮັດງານທຳ ສ້າງລາຍຮັບໃຫ້ປະຊາຊົນພາຍໃນເມືອງໃຫ້ນັບມື້ນັບຫຼາຍຂື້ນ.

ໃນໄລຍະ 6 ດືອນຕົ້ນປີ 2022 ນີ້ ຢູ່ແຂວງ ອັດຕະປື ໄດ້ມີນັກທ່ອງທ່ຽວເຂົ້າມາທ່ອງທ່ຽວທັງໝົດ 24.265 ຄົນ, ເຊິ່ງຈໍານວນດັ່ງກ່າວແມ່ນລ້ວນແຕ່ແມ່ນນັກທ່ອງທ່ຽວພາຍໃນປະເທດທັງໝົດ, ເມື່ອທຽບໃສ່ແຜນການປີແລ້ວບັນລຸໄດ້ພຽງ 26,96% ແລະ ສາມາດກະຈາຍລາຍໄດ້ຈາກການທ່ອງທ່ຽວໄດ້ທັງໝົດ 8,57 ຕື້ກີບ, ເມື່ອທຽບໃສ່ແຜນການແລ້ວບັນລຸໄດ້ 26,51% .

ນ້ຳຕົກຕາດສາຍແດນເຂດພູສູງ ຕັ້ງຢູ່ບ້ານ ນ້ຳເຕີບ, ເມືອງ ສົບເບົາ, ແຂວງ ຫົວພັນ ເປັນອີກສະຖານທີ່ທ່ອງທ່ຽວແຫ່ງໜຶ່ງຂອງແຂວງ ຫົວພັນ ທີ່ມີຄວາມສວຍງາມດ້ວຍທຳມະຊາດ ມີຄວາມອຸດົມສົມບູນ ແລະ ເຕັມໄປດ້ວຍ ທັດສະນີຍະພາບທຳມະຊາດ, ພູຜາປ່າໄມ້

ອຸທິຍານຫີນຕັ້ງ ບ້ານ ນາຕອກ, ເມືອງ ຫົວເມືອງ ແຂວງ ຫົວພັນ ເປັນແຫຼ່ງທ່ອງທ່ຽວທາງປະຫວັດທີ່ເກົ່າແກ່ ແລະ ສຳຄັນອີກແຫ່ງໜຶ່ງຂອງແຂວງ ຫົວພັນ ເພາະເປັນຫຼັກຖານຍັງຢືນເຖິງ ການມີມະນຸດອາໃສຢູ່ໃນເຂດນີ້ມາແລ້ວຫຼາຍກວ່າ 1.500 ປີ ເຊິ່ງສະຖານທີ່ດັ່ງກ່າວ ຫ່າງຈາກເທດສະບານແຂວງ ຫົວພັນ ໄປປະມານ 64 ກິໂລແມັດ.

ຖ້ຳເກົາເລົາ ເປັນແຫຼ່ງທ່ອງທ່ຽວທີ່ສວຍງາມຂອງລາວ ອີກສະຖານທີ່ໜຶ່ງ ຕັ້ງຢູ່ບ້ານ ນ້ຳແອ່ງ, ເມືອງ ວຽງພູຄາ, ແຂວງ ຫຼວງນ້ຳທາ ໄປຕາມເສັ້ນທາງ R3A ຫ່າງຈາກເສັ້ນທາງທິດຕາເວັນອອກ 200 ແມັດ, ໄກຈາກເທດສະບານເມືອງ ວຽງພູຄາ ໄປທາງທິດເໜືອ 12 ກິໂລແມັດ ແລະ ໄກຈາກເທດສະບານແຂວງ ໄປທາງທິດຕາເວັນຕົກສ່ຽງໃຕ້ 48 ກິໂລແມັດ.

ຖ້ຳປິວ ເປັນອະນຸສອນສະຖານ ແລະ ເປັນແຫຼ່ງທ່ອງທ່ຽວທາງ ປະຫວັດສາດ ອັນເປັນສັນຍາລັກແຫ່ງຄວາມໂຫດຮ້າຍຂອງສົງຄາມໃນອາດີດ, ເປັນສະຖານທີ່ ທີ່ 374 ຊີວິດ ຈົບລົງພ້ອມກັນແບບບໍ່ໄດ້ສັ່ງລາຄອບຄົວ ເຊິ່ງຕັ້ງຢູ່ເທິງຜາຫິນສູງຊັນ ໃນເຂດບ້ານ ບວມລອງ, ເມືອງ ຄຳ, ແຂວງ ຊຽງຂວາງ ຫ່າງຈາກເທສະບານແຂວງ ຊຽງຂວາງ ປະມານ 57 ກິໂລແມັດ.

ບ້ານ ພຽງງາມ ເປັນອີກບ້ານໜຶ່ງຢູ່ແຂວງ ຫຼວງນ້ຳທາ ທີ່ໄດ້ຮັບການພັດທະນາເປັນ ສູນຫັດຖະກຳຂອງເຜົ່າໄຕແດງ ໂດຍໄດ້ຮັບທຶນສະໜັບສະໜູນຂອງ ລັດຖະບານນິວຊີແລນ  (NZ ), ເຊິ່ງມີຫ້ອງສາທິດຕ່ຳຫູກສຳລັບຮຽນຮູ້ດ້ານການຕ່ຳຫູກ, ການຍ້ອມສີຜ້າແພ, ມີຮ້ານອາຫານ ແລະ ທີ່ພັກ ( Ecolodge ) ສຳລັບນັກທ່ອງທ່ຽວ, ມີຈຸດຊົມວິວ. ເຊິ່ງໄດ້ເປີດໃຫ້ບໍລິການໃນປີ 2019, ສະຖານທີ່ແຫ່ງນີ້ເໝາະສົມແກ່ນັກທ່ອງທ່ຽວທີ່ມີຄວາມສົນໃຈຮຽນຮູ້ວິຖີການດຳລົງຊີວິດຊົນເຜົ່າ ແລະ ພັກຜ່ອນກັບບັນຍາກາດທີ່ຫງຽບສະຫງົບ.