Tag: ທ່ອງທ່ຽວ

ງານບຸນນະມັດສະການພະບາດໂພນສັນ ເປັນອີກໜຶ່ງໃນກິດຈະກໍາລະດັບຊາດຂອງປີທ່ອງທ່ຽວລາວ ເຊິ່ງຈະຈັດຂຶ້ນໃນເດືອນມັງກອນ ປີ 2024 ທີ່ຈະມາເຖິງນີ້ ໂອກາດດຽວກັນກໍຈະປະກາດວັດພະບາດໂພນສັນເປັນມໍລະດົກແຫ່ງຊາດ ຢ່າງເປັນທາງການ.

ຜາພຣະ ບ້ານປາກງາວ, ເມືອງ ຫ້ວຍຊາຍ, ແຂວງ ບໍ່ແກ້ວ ເປັນອີກສະຖານທີ່ສັກສິດອີກແຫ່ງໜຶ່ງທີ່ ປະຊາຊົນຊາວເມືອງ ຫ້ວຍຊາຍ ນັບຖື ກາບໄຫວ້ ມາຕັ້ງແຕ່ອະດີດຈົນເຖິງປັດຈຸບັນ ແລະ ກໍເປັນອີກໜຶ່ງແຫຼ່ງທ່ອງທ່ຽວທາງປະຫວັດສາດ ແລະ ວັດທະນະທຳ ຂອງລາວ ທີ່ດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ໄດ້ເປັນຢ່າງດີ.

ຜາທໍ່ໜໍ່ຄຳ ເປັນຜາຫີນປູນທີ່ຕັ້ງສະຫງ່າຢູ່ຈຸດໃຈກາງເມືອງເຟືອງ ແຂວງວຽງຈັນ ສປປລາວ ພູຜາໜ່ວຍນີ້ແມ່ນຕັ້ງໂດດດ່ຽວ ເຊິ່ງມີຮູບຮ່າງເປັນເອກະລັກສະເພາະບົ່ງບອກຮູບຮ່າງສັນຖານຂອງເມືອງເຟືອງ, ປຽບດັ່ງສຽງເພງສາມໝື່ນເມືອງເຟືອງ ທີ່ມີຊື່ສຽງໂດ່ງດັງຢູ່ລາວ ໄດ້ເຮັດໃຫ້ຜາທໍ່ໜໍ່ຄຳ ເປັນມີ່ງຂວັນຂອງເມືອງ.

ຕ້ອງບອກເລີຍວ່າ ປັດຈຸບັນນີ້ການອອກທີບກາງເຕັ້ນ ກຳລັງມາແຮງ ເພາະວ່າການທ່ອງທ່ຽວແບບນີ້ຈະມີສະເໜ່ ສະເພາະຕົວທີ່ບໍ່ຄືໃຜ ເພື່ອໃຫ້ທ່ານໄດ້ລອງມາໃຊ້ຊີວິດແບບລຽບງ່າຍ ທ່າມກາງທຳມະຊາດ ແລະ ເປັນອີກໜຶ່ງປະສົບການປະຈົນໄພ ທີ່ເຈົ້າຈະຮູ້ສຶກສະໜຸກສະໜານແບບບໍ່ຮູ້ລືມ. ແຕ່ສຳລັບໃຜທີ່ຢາກຈະລອງທ່ອງທ່ຽວແບບນີ້ ແຕ່ຍັງບໍ່ຮູ້ຈະກຽມຕົວແນວໃດ? ຈະກາງເຕັ້ນແນວໃດ? ຢ່າກັງວົນໄປເລີຍເພາະມື້ນີ້ ເຮົາມີເທັກນິກການກາງເຕັ້ນ ສຳລັບສາຍຕັ້ງແຄ້ມມື້ໃໝ່ມາຝາກກັນ.

ສວນວັດທະນະທໍາຊຽງຄວນ ທີ່ຕັ້ງຢູ່ ເມືອງ ຫາດຊາຍຟອງ, ນະຄອນຫຼວງ ວຽງຈັນ ເປັນສະຖາທີ່ທ່ອງທ່ຽວດ້ານວັດທະນະທໍາ ທີ່ມີຄວາມສຳຄັນ ເຊິ່ງມີນັກທ່ອງທ່ຽວຈາກພາຍໃນ ແລະ ຕ່າງປະເທດ ໃຫ້ຄວາມສົນໃຈໄປຢ້ຽມຢາມເປັນຈຳນວນຫຼາຍ, ໂດຍສວນແຫ່ງນີ້ ໄດ້ມີການປັບປຸງ ແລະ ພັດທະນາຢ່າງຕໍ່ເນື່ອງ ເປັນຕົ້ນແມ່ນການປັບປຸງເສັ້ນທາງຍ່າງພາຍໃນສວນ, ສ້າງສວນສາທາລະນະ, ຮ້ານອາຫານ, ບ່ອນຫຼິ້ນເດັກນ້ອຍ, ຕູບພັກເຊົາ ແລະ ສະຖານທີ່ຈອດລົດໃຫ້ກວ້າງຂວາງ ເພື່ອອໍານວຍຄວາມສະດວກໃຫ້ແກ່ນັກທ່ອງທ່ຽວ.

ທົ່ງໄຫຫີນ ຫຼື ໄຫຫີນພູຄູນ ທີ່ຕັ້ງຢູ່ບ້ານ ພູວຽງນ້ອຍ, ເມືອງ ພູຄູນ, ແຂວງ ຫຼວງພະບາງ ເປັນສິ່ງມະຫັດສະຈັນໜຶ່ງ ທີ່ມີຄວາມສຳຄັນທາງດ້ານປະຫວັດສາດ ເຊິ່ງມີຮູບແບບລັກສະນະຄ້າຍຄືກັບໄຫ ເຮັດດ້ວຍຫີນທີ່ແຂງແກ່ນ ແລະ ມີຂະໜາດໃຫຍ່ ກະແຈກກະຈາຍຢູູ່ຕາມບໍລິເວນທົ່ງຫຍ້າ, ໂດຍໄດ້ມີການແກະສະລັກເທິງໄຫແຕ່ລະໜ່ວຍ ມີຮູບແບບສີສັນທີ່ມີຄວາມແຕກຕ່າງກັນ ແລະ ແຕກຕ່າງຈາກໄຫຫີນທີ່ຢູ່ ແຂວງ ຊຽງຂວາງ.

ອີງຕາມຂໍ້ມູນຈາກ ພະແນກສະຖິຕິ ແລະ ວິໄຈການທ່ອງທ່ຽວ, ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2022 ມີຈໍານວນນັກທ່ອງທ່ຽວພາຍໃນເຂົ້າທ່ອງທ່ຽວໃນບັນດາແຂວງທົ່ວປະເທດເຖິງ 756.338 ຄົນ ແລະ ແຂວງທີ່ນັກທ່ອງທ່ຽວເດີນທາງໄປຫຼາຍທີ່ສຸດ ແມ່ນແຂວງຄໍາມ່ວນ ທີ່ມີເຖິງ 161. 092 ຄົນ, ຮອງລົງມາແມ່ນແຂວງ ສະຫວັນນະເຂດ 120.357 ຄົນ.

ໃນໄລຍະ 6 ດືອນຕົ້ນປີ 2022 ນີ້ ຢູ່ແຂວງ ອັດຕະປື ໄດ້ມີນັກທ່ອງທ່ຽວເຂົ້າມາທ່ອງທ່ຽວທັງໝົດ 24.265 ຄົນ, ເຊິ່ງຈໍານວນດັ່ງກ່າວແມ່ນລ້ວນແຕ່ແມ່ນນັກທ່ອງທ່ຽວພາຍໃນປະເທດທັງໝົດ, ເມື່ອທຽບໃສ່ແຜນການປີແລ້ວບັນລຸໄດ້ພຽງ 26,96% ແລະ ສາມາດກະຈາຍລາຍໄດ້ຈາກການທ່ອງທ່ຽວໄດ້ທັງໝົດ 8,57 ຕື້ກີບ, ເມື່ອທຽບໃສ່ແຜນການແລ້ວບັນລຸໄດ້ 26,51% .