Monday, July 15, 2024
Lenovo

ໂທລະພາບ ລາວ-​ຈີນ ຮ່ວມ​ມື​ສ້າງ​ຊ່ອງ​​ໂທລະພາບ​ ດິຈິ​ຕອນ​ ລາວ

ພິທີ​ເຊັນ​ບົດ​ບັນທຶກ​ການ​ຮ່ວມ​ມື​ ສ້າງ​ຊ່ອງ​ໂທລະພາບດິຈິ​ຕອນ​ລາວ ຜ່ານ​ລະບົບ LD TV (Lao Digital TV) ລະຫວ່າງ ສະຖານີ​ໂທລະ​ພາບ​ແຫ່ງ​ຊາດ​ລາວ ​ໄດ້​ຮ່ວມ​ມື​ກັບ ກຸ່ມ​ບໍລິສັດ​ວິທະຍຸ-​ໂທລະພາບ​ ແຂວງ​ຢຸນນານ ຈຳກັດ ສປ ຈີນ ໄດ້​ຈັດ​ຂຶ້ນ​ໃນຕອນ​ແລງ​ວັນ​ທີ 28 ພຶດສະພາ 2019 ທີ່​ນະຄອນຫລວງ​ວຽງຈັນ ລະຫວ່າງ ທ່ານ ບຸນ​ເຈົ້າ ພິຈິດ ຜູ້​​ອວຍ​ການ​ໃຫຍ່ ໂທລະພາບ​ແຫ່ງ​ຊາດ​ລາວ ​ແລະ ທ່ານ ​ເຫີ​ຍ ຢ່າ ນິ໋ງ ປະທານກຸ່ມ​ບໍລິສັດ ​ວິທະຍຸ-​ໂທລະພາບ​ ແຂວງ​ຢຸນນານຈຳກັດ ​ໂດຍ​ມີ ​ທ່ານ ບໍ່​ແສງ​ຄຳ ວົງ​ດາລາ ລັດຖະມົນຕີ ກະຊວງ​ຖະ​ແຫລ​ງຂ່າວ ວັດທະນະທຳ ​ແລະ ທ່ອງ​ທ່ຽວ ພ້ອມ​ດ້ວຍ​ພາກສ່ວນ​ກ່ຽວຂ້ອງ ​ຂອງ​ສອງ​ຝ່າຍ​ເຂົ້າ​ຮ່ວມ​ເປັນ​ສັກຂີ​ພິຍານ.

ຜູ້​​ອວຍ​ການ​ໃຫຍ່ ໂທລະພາບ​ແຫ່ງ​ຊາດ​ລາວ ​ໃຫ້​ຮູ້​ວ່າ:​ ການ​ໃນ​ຮ່ວມ​ມື​ກັນ​ຄັ້ງ​ນີ້, ​ແມ່ນ​ຈະ​​ເພີ່ມ​ຊ່ອງ ​ເຂົ້າ​ໃນ​ລະບົບ​ LDTV ​​​ ເຊິ່ງຈະ​ມີ​ສອງ​ພາສາຄື: ພາສາ​ລາວ ​ແລະ ພາສາ​ຈີນ ​ໂດຍ​ປະກອບ​ມີ​:

ລາຍການຂ່າວ, ລາຍການ​ບັນ​ເທິງ, ລະຄອນ, ຮູບ​ເງົາ​ຈີນ, ສາລະ​ຄະດີ, ລາຍການທ່ອງທ່ຽວ, ວັດທະນ​ະທຳ, ລາຍການ​ອາຫານ ​ແລະອື່ນໆ,

ທັງ​ນີ້ ກໍ​ເພື່ອ​ແນ​ໃສ່​ ​ໂຄສະນາ​ແນວທາງ​ນະ​ໂຍບາຍ​ຂອງ​ພັກ, ລັດ ທັງ​ເປັນ​ການ​ແລກປ່ຽນວັດທະນະທຳ, ​ແລກປ່ຽນທາງ​ຂໍ້​ມູນ​ຂ່າວສານ​ຕ່າງໆ ຂອງ​ສອງ​ປະ​ເທດ​ ​ໃຫ້​ເຂົ້າ​ສູ່​ລ່ວງ​ເລີກ ​ແລະ ​ເປັນ​ຮູບ​ປະ​ທຳ.

ຜູ້​​ອວຍ​ການ​ໃຫຍ່ ໂທລະພາບ​ແຫ່ງ​ຊາດ​ລາວ ​ໃຫ້​ຮູ້​ອີກ​ວ່າ: ​ປະຈຸບັນ​ແມ່ນ​ຢູ່​ໃນ​ ຊ່ວງຂອງ​ການ​ທົດ​ລອງ​ອອກ​ອາກາດ ​​​ເຊິ່ງ​ໄດ້​ນຳ​ເອົາ​ຂ່າວ, ສາລະ​ຄະດີ ຂອງ​ລາວ ​ແລະ ຮູບ​ເງົາ​​ຈີນ ຈຳນວນໜຶ່ງ ມາ​ອອກ​ອາກາດ​ທົດ​ລອງ ຄາດ​ວ່າຈະ​ອອກ​ອາກາດ ທາງ​ເປັນ​ທາງ​ການ​ໃນ​ໄວໆນີ້.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.

ສາຍການບິນ Vietjet ບັນລຸ​ຂໍ້​ຕົກລົງ ​ຍົກລະດັບ​ການ​ເຊື່ອມ​ຕໍ່​ການ​ຂົນ​ສົ່ງ​ທາງ​ອາກາດ ລະຫວ່າງ ສປປ ລາວ ແລະ ສສ ຫວຽດນາມ

(ນະຄອນຫຼວງວຽງຈັນ, ວັນທີ 11 ກໍລະກົດ 2024) - ກະຊວງໂຍທາທິການ ແລະ ຂົນສົ່ງປະຈຳ ສປປ ລາວ ແລະ ສາຍການບິນ Vietjet ປະກາດຂໍ້ຕົກລົງເພີ່ມທະວີການເຊື່ອມຕໍ່ການຂົນສົ່ງທາງອາກາດລະຫວ່າງ ປະເທດລາວ-ຫວຽດນາມ.

Sky Connections ໄດ້ຂະຫຍາຍ: ເສັ້ນທາງໃໝ່ຂອງສາຍການບິນ Vietjet ໃນທົ່ວປະເທດຈີນ ແລະ ເກົາຫຼີໃຕ້

(ນະຄອນຫຼວງວຽງຈັນ, ວັນທີ 08 ກໍລະກົດ 2024) –  ສາຍການບິນ Vietjet ໄດ້ສ້າງບາດກ້າວຄັ້ງໃໝ່ໃນການເຊື່ອມຕໍ່ສາຍການບິນຜ່ານ ພາກພື້ນອາຊີປາຊີຟິກ ດ້ວຍ​ການ​ເປີດ​ບໍລິການ​ໂດຍ​ກົງ​ແຫ່ງ​ທຳ​ອິດ ​ທີ່​ເຊື່ອມ​ຕໍ່​ ນະຄອນໂຮຈີ​ມິນ ​- Xi'an (ຈີນ) ​ແລະ ການ​ປະກາດ​ເສັ້ນທາງ Nha Trang - Daegu (ສ.​ເກົາຫຼີ),