Thursday, July 18, 2024
Lenovo

ສະຖາບັນເຕັກໂນໂລຊີ ເປີດການນຳໃຊ້ປື້ມແບບເອເລັກໂຕຼນິກ (E-Book) ອ່ານໜັງສືທາງອອນລາຍແບບງ່າຍໆ!

ສະຖາບັນເຕັກໂນໂລຊີ ຄອມພິວເຕີ ແລະເອເລັກໂຕຼນິກ, ກະຊວງວິທະຍາສາດ ແລະ ເຕັກໂນໂລຊີ (ກວຕ) ​ໄດ້ເປິດການນຳໃຊ້ປື້ມແບບເອເລັກໂຕຼນິກ (E-Book) ຢ່າງເປັນທາງການໃນວັນທີ 30 ພຶດສະພາ 2019, ທີ່ກະຊວງວິທະຍາສາດ ແລະເຕັກໂນໂລຊີ ໂດຍເປັນກຽດເຂົ້າຮ່ວມຂອງທ່ານ ບໍ່ວຽງຄຳ ວົງດາລາ, ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ, ມີຫົວໜ້າຫ້ອງການ, ກົມ, ສະຖາບັນພ້ອມດ້ວຍບັນດາແຂກຖືກເຊີນຈາກສະຖາບັນການຄົ້ນຄວ້າ, ສຶກສາ ພ້ອມດ້ວຍນ້ອງນ້ອຍນັກຮຽນເຍົາວະຊົນເຂົ້າຮ່ວມ.

ທ່ານ ວິລະສັກ ອິນທະປະຖາ, ຫົວໜ້າສະຖາບັນເຕັກໂນໂລຊີ ຄອມພິວເຕີ ແລະເອເລັກໂຕຼນິກ ກ່າວວ່າ: ການເປີດໂຕເວັບໄຊ໌ປື້ມເອເລັກໂຕຼນິກ ແລະການນໍາໃຊ້ປື້ມແບບເອກະເລັກໂຕຼນິກ ແມ່ນເພື່ອຕອບສະໜອງຕາມຄວາມຮຽກຮ້ອງຕ້ອງການຂອງວຽກງານໃຫ້ທັນກັບຍຸກສະໄໝ ໂດຍສະເພາະໃນຍຸກດິຈິຕ໋ອນ, ພຶດຕິກໍາການດຳລົງຊີວິດຂອງມະນຸດໄດ້ຖືກປະຕິຮູບຕາມວິວັດທະນາການຂອງເຕັກໂນໂລຊີ ເພາະເຕັກໂນໂລຊີ ສາມາດຕອບສະໜອງຄວາມຕ້ອງການຂອງມະນຸດ. ພຶດຕິກຳການຮຽນຮູ້ຂອງຄົນເຮົາຈາກຮູບແບບປື້ມ ມາເປັນຮູບແບບເອເລັກໂຕຼນິກ ໃນຍຸກດິຈິຕ໋ອນ, ອິດທິພົນຂອງ ດິຈິຕ໋ອນໄດ້ເຮັດໃຫ້ຫຼາຍປະເທດຕ້ອງໄດ້ປະຕິຮູບການສຶກສາ ເພື່ອກ້າວໃຫ້ທັນກັບການປ່ຽນແປງຂອງເຕັກໂນໂລຊີ.

ດັ່ງນັ້ນ, ສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຼນິກ ຈຶ່ງໄດ້ຈັດທຳປື້ມແບບເອເລັກໂຕຼນິກ ເພື່ອຫັນເອົາລະບົບຂໍ້ມູນປື້ມຕຳລາຮຽນສາຂາວິຊາຕ່າງໆ, ບົດຄົ້ນຄວ້າວິໄຈຂອງບັນດານັກຄົ້ນຄວ້າ, ຄູ-ອາຈານ, ບົດໂຄງການຈົບຊັ້ນຂອງນັກສຶກສາໃນແຕ່ລະປີ, ເອກະສານ ແລະປື້ມຕ່າງໆ ໃຫ້ມາເປັນຮູບແບບເອເລັກໂຕຼນິກເພື່ອເຮັດໃຫ້ການບໍລິການຫັນໄປສູ່ຄວາມທັນສະໄໝເທື່ອລະກ້າວ ແລະກ້າວໄປເຖິງການເຮັດໃຫ້ຫ້ອງສະໝຸດມີຊີວິດຊີວາ, ພ້ອມທັງເປັນການເກັບຮັກສາແຫຼ່ງຂໍ້ມູນຕ່າງໆໄວ້ໃຫ້ມີຄວາມປອດໄພ, ໝັ້ນຄົງ ແລະ ຍາວນານ, ເປັນແຫຼ່ງເຕົ້າໂຮມຂໍ້ມູນຂ່າວສານ ເພື່ອໃຫ້ກາຍເປັນຄັງຄວາມຮູ້ ໃຫ້ແກ່ການສຶກສາຄົ້ນຄວ້າຂອງນັກຮຽນ, ນັກສຶກສາ, ປັນຍາຊົນ ແລະປະຊາຊົນທົ່ວໄປ ໄດ້ເຂົ້າເຖິງຂໍ້ມູນ, ຊອກຫາຂໍ້ມູນ ໄດ້ຢ່າງສະດວກງ່າຍດາຍ.

ການເຂົ້າເຖິງຂໍ້ມູນຕ່າງໆນີ້ ແມ່ນສາມາດເຂົ້າຜ່ານລະບົບເວັບໄຊ໌ ໂດຍພິມ ebook.most.gov.la. ຫຼື ສາມາດດາວໂຫຼດ Application ເທິງມືຖື ໃນລະບົບ Android ດ້ວຍການຄົ້ນຫາຄໍາວ່າ laoebook, ໃນອະນາຄົດສະຖາບັນຈະໄດ້ມີການພັດທະນາການນໍາໃຊ້ໃນລະບົບ IOS ເພື່ອໃຫ້ກາຍເປັນການພັດທະນາປື້ມແບບເອເລັກໂຕຼນິກແບບຍືນຍົງ, ຍັງຈະສືບຕໍ່ເຮັດການຮ່ວມມືກັບພາກສ່ວນຕ່າງໆ ເພື່ອເຮັດໃຫ້ ເວັບໄຊ໌ ຂອງປື້ມແບບເອເລັກໂຕຼນິກ ກາຍເປັນສູນລວມປື້ມທີ່ມີຄວາມຫຼາກຫຼາຍຂອງແຕ່ລະຂະແໜງການ ແລະມີບົດຄວາມອຸດົມສົມບຸນຂຶ້ນໄປເລື້ອຍໆ.

ການຈັດຕັ້ງປະຕິບັດໂຄງການດັ່ງກ່າວນີ້ ໄດ້ຮັບການສະໜັບສະໜູນ ແລະຮ່ວມມືຈາກຫຼາຍພາກສ່ວນ ເຊັ່ນ: ສະຖາບັນຄົ້ນຄວ້າວິທະຍາສາດການສຶກສາ, ສະຖາບັນການທະນາຄານ, ມະຫາວິທະຍາໄລ ວິທະຍາສາດ ສຸຂະພາບ, ມະຫາວິທະຍາໄລ ແຫ່ງລັດໂຕມສ (ສະຫະພັນລັດເຊຍ) ແລະ ໂຮງພິມຊ້າງລາວ. ນອກຈາກນີ້, ຍັງມີປື້ມບົດຮຽນຂອງສະຖາບັນເຕັກໂນໂລຊີ ຄອມພິວເຕີ ແລະເອເລັກໂຕຼນິກ, ບົດຄວາມດ້ານກະສິກໍາ, ດ້ານວິທະຍາສາດ, ໜັງສືພິມວິທະຍາສາດ ແລະ ການພັດທະນາ, ບັນດາປື້ມກົດໝາຍ ທັງພາສາລາວ ແລະພາສາອັງກິດ, ປື້ມໝວຍວັດທະນທໍາ-ສັງຄົມ ຊຶ່ງໃນເບື້ອງຕົ້ນແມ່ນສາມາດປ້ອນຂໍ້ມູນໄດ້ທັງໝົດມີ 10 ໝວດ, 950 ກວ່າເຫຼັ້ມ ແລະມີແຜນຈະພັດທະນາລະບົບ ພ້ອມທັງຮວບຮວມເອົາຂໍ້ມູນທາງດ້ານການສຶກສາ, ການຄົ້ນຄວ້າ-ວິໄຈຕ່າງໆເພື່ອປ້ອນເຂົ້າລະບົດໃຫ້ມີຄວາມຫຼາກຫຼາຍ ແລະສົມບູນຂຶ້ນເລື້ອຍໆ.

More from author

Related posts

ຂໍຂອບໃຈນຳຜູ້ສະໜັບສະໜູນ

Latest posts

ຈົບມໍປາຍ ຈະຮຽນຕໍ່ສາຍໃດດີ?

ເມື່ອກ່ອນ ການສຶກສາຖືໄດ້ວ່າມີບັນຍາກາດຄຶກຄື້ນ ແລະ ເປັນຂະບວນການ ຫຼາຍຄົນແຂ່ງກັນຮຽນ ແຂ່ງກັນເສັງເພື່ອຈະໄດ້ເຂົ້າຮຽນສາຍທີ່ຕົນເອງມັກ ແຕ່ຕົກມາຍຸກປັດຈຸບັນນີ້ ດ້ວຍສະພາບເສດຖະກິດ ສະພາບແວດລ້ອມ ແລະ ຫຼາຍຢ່າງໃນສັງຄົມທີ່ຜັນແປໄປ ເດັກນ້ອຍສ່ວນໃຫຍ່ບໍ່ຢາກທີ່ຈະຮຽນຕໍ່, ບາງຄົນກໍຈຳເປັນຕ້ອງອອກໄປເຮັດວຽກເພື່ອຫາເງິນຊ່ວຍຄອບຄົວ, ຫຼາຍຄົນກໍອອກມາປະກອບກິດຈະການເຮັດທຸລະກິດ ເປັນນາຍຂອງຕົນເອງ ແຕ່ບໍ່ວ່າຈະຢ່າງໃດກໍຕາມ ຖ້າຄົນທີ່ມີເງືອນໄຂກໍຍັງສະໜັບສະໜູນໃຫ້ຮຽນຕໍ່ສາຍວິຊາຊີບໃຫ້ຈົບຈະເປັນການດີທີ່ສຸດ.

ຍຸກນີ້! ຕ້ອງອວດກັນປະຢັດ

ເມື່ອສັງຄົມເຮົາກ້າວເຂົ້າສູ່ຍຸກທີ່ເຂົ້າຍາກມາກແພງ ຫຼາຍຄົນ “ຫາເຊົ້າກິນເຊົ້າ” ບໍ່ແມ່ນ “ຫາເຊົ້າກິນຄໍ່າ” ຄືແຕ່ກ່ອນແລ້ວ ເຄື່ອງໃຊ້ຂອງສອຍຕ່າງໆ ກໍລ້ວນແຕ່ລາຄາສູງຂຶ້ນເທົ່າຕົວ, ເຮົາຍັງຈະພາກັນມາອວດລວຍໂຊລົດສະນິຍົມດີໆ ໃຊ້ຂອງແພງໆ ກິນອາຫານຫຼູຫຼາ ຕາມຄົນມີລາຍຮັບທີ່ໝັ່ນຄົງ ຫຼື ຄົນຮັ່ງມີບໍ່ໄດ້ແລ້ວ

ຊໍາຊຸງ ເປີດໂຕ Galaxy Z Fold6 ແລະ Z Flip6 ຍົກລະດັບ Galaxy Al ລຸ້ນໃໝ່ສໍາລັບໂທລະສັບໜ້າຈໍພັບ.

ຊໍາຊຸງລາວ ເປີດໂຕ Galaxy Z Fold6 ແລະ Z Flip6 ພ້ອມໂປຣໂມຊັນພິເສດສໍາລັບຜູ້ທີ່ສັ່ງຊື້ລ່ວງໜ້າທີ່ Galaxy Experience Space ນະຄອນຫຼວງວຽງຈັນ  ເປິດປະສົບການ Galaxy AI ລຸ້ນຫຼ້າສຸດສໍາລັບໂທລະສັບມືຖືໜ້າຈໍພັບ  ໃຫ້ຜູ້ເຂົ້າຮ່ວມງານໄດ້ສໍາຜັດການໃຊ້ງານໂທລະສັບມືຖືທີ່ທັນສະໄໝ  ຮ່ວມກັບໂມງ Galaxy Watch7 ແລະ ຫູຟັງ Galaxy Buds3/Galaxy Buds3 Pro ເຊິ່ງໄດ້ເປີດໂຕພອ້ມກັນໃນງານ Samsung Unpacked ທີ່ປາຣີ  (Paris) ປະເທດຝຣັ່ງ ໃນວັນທີ 10 ກໍລະກົດ 2024 ທີ່ຜ່ານມາ.