ສູນການແພດສຸຂະສຶກສາ ໄດ້ລາຍງານກ່ຽວກັບສະພາບຂອງພະຍາດໄຂ້ຍຸງລາຍທົ່ວປະເທດ ນັບແຕ່ຕົ້ນປີ ຈົນເຖິງ ວັນທີ 20 ມິຖຸນາ 2022 ນີ້ວ່າ: ສປປ ລາວ ເຮົາ ມີຜູ້ຕິດເຊື້ອໄຂ້ຍຸງລາຍເພີ່ມອີກ 167 ກໍລະນີ, ມີຜູ້ຕິດເຊື້ອໄຂ້ຍຸງລາຍສະສົມ 3.132 ກຳລະນີ ແລະ ມີຜູ້ເສຍຊີວິດສະສົມ 3 ຄົນຢູ່ແຂວງສາລະວັນ 2 ຄົນ ແລະ ນະຄອນຫຼວງວຽງຈັນ 1 ຄົນ.
ເພື່ອບໍ່ໃຫ້ມີກໍລະນີຕິດເຊື້ອໄຂ້ຍຸງລາຍເພີ່ມຂຶ້ນອີກ ທຸກຄົນຄວນທີ່ຈະປະຕິບັດ 5 ປໍ ຢູ່ເລື້ອຍໆຄື:
- ປິດຝາພາຊະນະ ທີ່ມີນໍ້າພາຍໃນເຮືອນ ແລະນອກເຮືອນ
- ປ່ຽນນໍ້າ ແລະ ຜັດຖູພາຊະນະຕ່າງໆພາຍໃນເຮືອນ
- ປ່ອຍປາຫາງນົກຍຸງ
- ປັບປຸງບໍ່ໃຫ້ມີນໍ້າຄ້າງ, ຂັງກະໂປະ, ກະປ໋ອງ
- ປະຕິບັດ ເປັນປະຈຳທຸກໆອາທິດ
ຖ້າທຸກຄົນປະຕິບັດ 5ປໍດັ່ງກ່າວເປັນປະຈຳ ເຊື່ອວ່່າພະຍາດດັ່ງກ່າວຕ້ອງ ຫຼຸດໜ້ອຍຖອຍລົງຢ່າງແນ່ນອນ.
ຂໍ້ມູນຈາກ: ສູນຂ່າວສານການແພດສຸຂະສຶກສາ
Hits: 12
