ເພື່ອເປັນການສົ່ງເສີມໃຫ້ຜູ້ປະກອບການຊາວລາວ ໃນການເຂົ້າເຖິງ ແລະ ໄດ້ຮຽນຮູ້ທັກສະດ້ານດິຈິຕອນໄດ້ຫຼາຍຂຶ້ນ ທາງ Meta ຈຶ່ງໄດ້ສືບຕໍ່ແຄມເປນ #ລາວຊ່ວຍລາວໂດຍMeta ຂຶ້ນເປັນປີທີ 2 ແລະ ໄດ້ເປີດໂຕແຄມເປນດັ່ງກ່າວຢ່າງເປັນທາງການ ໃນວັນທີ 12 ກໍລະກົດ 2022 ນີ້ ເພື່ອເລັ່ງການເຕີບໃຫຍ່ທາງດ້ານດິຈິຕອນຂອງພວກເຂົາ, ພາຍຫຼັງທີ່ ສປປ ລາວ ກັບມາເປີດປະເທດອີກຄັ້ງ ຄຽງຄູ່ກັບການເປີດທຸລະກິດຕ່າງໆ ແລະ ການທ່ອງທ່ຽວກໍໄດ້ກັບມາຄຶກຄື້ນອີກຄັ້ງ.
ສຳລັບແຄມເປນ #ລາວຊ່ວຍລາວໂດຍMeta ແມ່ນເປັນການແຊຣ໌ປະສົບການເທິງອອນລາຍຜ່ານຊຸດວີດີໂອທີ່ເວົ້າເຖິງຄວາມນິຍົມຂອງທຸລະກິດແບບດິຈິຕອນ, ຂໍ້ມູນເຊີງເລິກ ແລະ ກໍລະນີສຶກສາທີ່ແບ່ງປັນໂດຍແບຣນພາຍໃນທ້ອງຖິ່ນຂອງລາວເຮົາ ລວມໄປເຖິງ Worskshop ອອນລາຍ ແລະ ຊ່ວງການ ຖາມ-ຕອບ ທີ່ເປີດໃຫ້ທຸກຄົນສາມາດເຂົ້າຊົມໄດ້.
ນອກຈາກນີ້, ພວກເຮົາຍັງມີ ຄູ່ມືດຳເນີນທຸລະກິດດິຈີຕອນ ສຸດພິເສດ ທີ່ເປັນພາສາລາວ ແລະ ເປີດໃຫ້ທຸກ ທ່ານສາມາດດາວໂຫຼດໄດ້ຟຣີ. ໂດຍມີຈຸດປະສົງເພື່ອສະໜອງວິທີການງ່າຍໆ ໃຫ້ກັບຜູ້ປະກອບການໃນ ປະເທດ ທີ່ຕ້ອງການນຳທຸລະກິດຂອງພວກເຂົາສູ່ໂລກອອນລາຍ ໃຫ້ສາມາດ ປະຕິບັດຕາມໄດ້ ຫຼື ເປັນອັດ ຕາເລັ່ງໜຶ່ງ ເພື່ອເພີ່ມໂອກາດທາງທຸລະກິດຂອງພວກເຂົາ ພາຍຫຼັງການ ລະບາດຂອງພະຍາດ, ເຊິ່ງຄູ່ມື ດຳເນີນທຸລະກິດດິຈີຕອນ ຈາກແຄມເປນ #ລາວຊ່ວຍລາວໂດຍMeta ນີ້, ໄດ້ຖືກອອກແບບມາເປັນພິເສດ ໂດຍ Meta ແລະ ການຮ່ວມມືຈາກ Httpool ລາວ, ເຊິ່ງເປັນ Authorized Reseller ຂອງ Meta ທັງເປັນຜູ້ຊ່ຽວຊານດ້ານການຕະຫຼາດດິຈີຕອນອີກດ້ວຍ.
“ເນື່ອງຈາກການທ່ອງທ່ຽວ ແລະ ທຸລະກິດຕ່າງໆ ກຳລັງກັບມາເປີດໂຕ, ເຊິ່ງພວກເຮົາເຊື່ອວ່າ ການກັບມາໃນຄັ້ງນີ້ ຈະບໍ່ຄືເກົ່າຢ່າງແນ່ນອນ ເມື່ອທຽບກັບຊ່ວງກ່ອນການລະບາດຂອງພະຍາດ ແລະ ມັນເປັນສິ່ງສຳຄັນສຳລັບທຸລະກິດທຸກຂະໜາດ ທີ່ຈະສືບຕໍ່ຍອມຮັບເສັ້ນທາງສູ່ດິຈີຕອນ ແລະ ເພີ່ມ ຄວາມສຳພັນກັບລູກຄ້າທີ່ມີຢູ່ແລ້ວນັ້ນ ໃຫ້ແໜ້ນແຟ້ນຂຶ້ນຕື່ມ, ເຊື່ອມຕໍ່ກັບລູກຄ້າໃໝ່, ແລະ ຮັກສາ ຄວາມສົມດຸນຂອງທຸລະກິດໄວ້.” ທ່ານນາງ ອິນດີ ເດວິດສ, Reseller Partner Manager ຂອງ Meta ປະຈຳປະເທດລາວ ແລະ ຕະຫຼາດໃໝ່ ໃນຂົງເຂດອາຊີຕາເວັນອອກສຽງໃຕ້.
“ໃນການເປີດໂຕແຄມເປນ #ລາວຊ່ວຍລາວໂດຍMeta ປີທີສອງນີ້, ພວກເຮົາຄາດຫວັງໃຫ້ຜູ້ປະກອບການ ຊາວລາວ ແລະ SME ສາມາດຮ່ວມກັບຜູ້ຄົນກວ່າ 3,6 ລ້ານຄົນ ແລະ 200 ລ້ານກວ່າທຸລະກິດໃນທົ່ວໂລກ ທີ່ກຳລັງນໍາໃຊ້ແພັດຟອມຂອງ Meta ເພື່ອສ້າງຄວາມເຕີບໂຕໃນທຸລະກິດຂອງເຂົາເຈົ້າຢູ່.
ແຄມເປນດັ່ງກ່າວນີ້ ຈະເວົ້າເຖິງທັກສະທາງດິຈີຕອນ ແລະ ການຝຶກອົບຮົມໃນການເສີມສ້າງຄວາມ ສາມາດ, ໂດຍສະເພາະ ໃນຊ່ວງທ້າທາຍສຳລັບການຟື້ນໂຕ ພາຍຫຼັງການລະບາດຂອງພະຍາດໃນທົ່ວໂລກ. ເຮົາຮູ້ສຶກຕື່ນເຕັ້ນຫຼາຍທີ່ໄດ້ມີໂອກາດຮ່ວມງານກັບຄູ່ຮ່ວມງານໃນພາກພື້ນ ບໍ່ວ່າຈະເປັນ Httpool, ສະມາຄົມການຄ້າໄອຊີທີລາວ, ແລະ InsideLaos ເພື່ອເຮັດໃຫ້ແຄມເປນໃນຄັ້ງນີ້ປະກົດຜົນເປັນຈິງໄດ້.” ທ່ານນາງ ເດວິດສ ກ່າວ.
ໂດຍການຮ່ວມມືຈາກ Httpool ລາວ, Authorized Reseller Partner ຂອງ Meta ແລະ ຜູ້ຊ່ຽວຊານດ້ານ ການຕະຫຼາດດິຈີຕອນ, “ເລີ່ມຕັ້ງແຕ່ປີ 2020, ພວກເຮົາໄດ້ເຮັດວຽກຢ່າງໃກ້ຊິດກັບຜູ້ໃຫ້ການໂຄສະນາ ແລະ ທຸລະກິດຕ່າງໆໃນລາວ ຫຼາຍກວ່າ 150 ແຫ່ງ, ເພື່ອຊ່ວຍໃຫ້ພວກເຂົາສາມາດ ເລັ່ງການຫັນປ່ຽນ ສູ່ດິຈີຕອນໄດ້. ເຮົາຮູ້ສຶກຕື່ນເຕັ້ນຫຼາຍທີ່ໄດ້ມີສ່ວນຮ່ວມໃນແຄມເປນ #ລາວຊ່ວຍລາວໂດຍMeta ແລະ ເປັນສ່ວນໜຶ່ງໃນຄວາມພະຍາຍາມຂອງ Meta ໃນຄັ້ງນີ້.
ເປົ້າໝາຍຂອງເຮົາແມ່ນການເຊື່ອມຕໍ່ແບຣນຕ່າງໆ ກັບຜູ້ຊົມໃຊ້ ດ້ວຍສື່ແພັດຟອມທີ່ມີຄວາມກ່ຽວຂ້ອງ ຫຼາຍທີ່ສຸດໃນໂລກ ເປັນຕົ້ນແມ່ນ ແພັດຟອມຕ່າງໆ ຂອງ Meta, ພ້ອມທັງຊຸກຍູ້ໃຫ້ຜູ້ປະກອບການ ແລະ ວິສາຫະກິດໃນທ້ອງຖິ່ນ, ສາມາດສ້າງລະບົບນິເວດທາງທຸລະກິດຂອງລາວ ດ້ວຍວິທີການທີ່ມີປະສິດທິພາບ ສູງສຸດຕໍ່ການເຕີບໂຕ.” ທ່ານ ວັນນະເລດ ພິມພະຈັນ, Country Lead – Httpool ລາວ.
ໃນແຄມເປນ #ລາວຊ່ວຍລາວໂດຍMeta ໃນຄັ້ງນີ້, Httpool ລາວ ຈະມີການຈັດຝຶກອົບຮົມສຸດພິເສດ ສຳລັບທຸລະກິດຕ່າງໆ ເຊິ່ງທຸກທ່ານສາມາດຮັບຊົມໄດ້ຟຣີ.
ອີກໜຶ່ງໄຮໄລ້ສຸດພິເສດຈາກແຄມເປນ #ລາວຊ່ວຍລາວໂດຍMeta ໃນຄັ້ງນີ້, ແມ່ນເຮົາໄດ້ຮັບການຮ່ວມ ມືຈາກຜູ້ນຳດ້ານການພັດທະນາທັກສະໃຫ້ກັບ SME ໃນລາວ, ທ່ານ ທະນູສອນ ພົນອາມາດ, ປະທານ ສະມາຄົມ ການຄ້າໄອຊີທີລາວ (LICA). “ອີງຕາມຜົນສຳຫຼວດເສດຖະກິດທົ່ວປະເທດຂອງປີ 2020, ໃນ 133.997 ຫົວໜ່ວຍທຸລະກິດໃນລາວ, SME ແມ່ນກວມເອົາອັດຕາສ່ວນໃຫຍ່ ເຊິ່ງກວມເອົາເຖິງ 99,8% ຂອງຫົວ ໜ່ວຍທຸລະກິດທັງໝົດ ແລະ ນີ້ແມ່ນເຫດຜົນທີ່ເປັນຫຍັງເຮົາຈຶ່ງເຫັນວ່າ SME ມີບົດບາດສຳຄັນທີ່ສຸດ ໃນການຂັບເຄື່ອນ ເສດຖະກິດ-ສັງຄົມ ຂອງປະເທດ.
ປະຈຸບັນ, ປະເທດລາວເຮົາ ໄດ້ກັບມາເປີດຄືນອີກຄັ້ງ ພາຍຫຼັງການແຜ່ລະບາດຂອງພະຍາດທີ່ແກ່ຍາວ ເຊິ່ງສົ່ງຜົນກະທົບຢ່າງໜັກໜ່ວງຕໍ່ເສດຖະກິດຂອງປະເທດ, ແນວໃດກໍຕາມ, ມັນກໍໄດ້ສ້າງໂອກາດສຳລັບ SME ໃນການປັບໂຕ ແລະ ຫັນສູ່ອອນລາຍຫຼາຍຂຶ້ນ, ໂດຍສະເພາະ ຂະແໜງການຂາຍ ແລະ ການບໍລິການ, ທີ່ຈໍາເປັນຕ້ອງເພີ່ມທັກສະທາງດິຈີຕອນເພື່ອແຂ່ງຂັນໃນຕະຫຼາດ ແລະ ຢູ່ລອດ.
ແທນທີ່ຈະຮ້າຍແຮງຂຶ້ນກວ່າເກົ່າ, ທຸລະກິດຕ່າງໆ ຊໍ້າພັດເຫັນສັກກະຍະພາບຂອງເຄື່ອງມືດິຈີຕອນ, ເນື່ອງ ຈາກພວກເຂົາສາມາດຂະຫຍາຍ ແລະ ເຕີບໂຕທຸລະກິດໄດ້ ໃນແບບທີ່ພວກເຂົາບໍ່ເຄີຍພົບເຫັນມາກ່ອນ. ການຮ່ວມມືກັບ Meta ໃນຄັ້ງນີ້, ຖືເປັນໂອກາດອັນດີສຳລັບຂະແໜງການທຸລະກິດໃນການຕັກຕວງ ເອົາຄວາມຮູ້ ແລະ ຜົນປະໂຫຍດ ເພື່ອໝູນໃຊ້ເຂົ້າໃນການດຳເນີນທຸລະກິດຂອງເຂົາເຈົ້າ ແລະ ເຕີບໂຕໃນ ໂລກດິຈີຕອນ, ເຊິ່ງກໍເປັນເສົາຄໍ້າໃນໜ້າວຽກຂອງ LICA ຢູ່ແລ້ວ, ສະນັ້ນ ການຮ່ວມມືໃນຄັ້ງນີ້ຈຶ່ງຖືວ່າ ເປັນການຮ່ວມມືທີ່ສົມບູນແບບ.”
ເພື່ອເຮັດໃຫ້ປະສົບການອອນລາຍທັງ 3 ມື້ ຈາກແຄມເປນ #ລາວຊ່ວຍລາວໂດຍMeta ໃນຄັ້ງນີ້ ມີຄວາມໝາຍຍິ່ງຂຶ້ນ, ເຮົາຍັງມີຊ່ວງການສົນທະນາສຸດພິເສດກັບຜູ້ປະກອບການ ແລະ ເຈົ້າຂອງແບຣນ ທີ່ກຳລັງມີຊື່ສຽງໃນທ້ອງຖິ່ນ ເປັນຕົ້ນແມ່ນ Saya Brand, Panlana Candle & Co, ແລະ ໝູຢໍ່ປ້າລີ, ເພື່ອຮຽນຮູ້ເພີ່ມເຕີມກ່ຽວກັບເສັ້ນທາງສູ່ດິຈີຕອນ ແລະ ຂໍ້ມູນເຊີງເລິກ ທີ່ຈະແບ່ງປັນກັບຊຸມຊົນທຸລະກິດ ໂດຍສະເພາະຜູ້ທີ່ກຳລັງລິເລີ່ມສ້າງຕົວຕົນເທິງໂລກອອນລາຍ.
ບັນດາທຸລະກິດ, ຜູ້ປະກອບການ ແລະ ທຸກໆທ່ານ ສາມາດຮັບຊົມປະສົບການອອນລາຍທັງ 3 ມື້ ຈາກແຄມເປນ #ລາວຊ່ວຍລາວໂດຍMeta ໃນຄັ້ງນີ້ໄດ້ຟຣີ ໂດຍບໍ່ມີຄ່າໃຊ້ຈ່າຍໃດໆ ຜ່ານຮູບແບບຂອງ ຊຸດວິດີໂອສຸດພິເສດ ແລະ ການຝຶກອົບຮົມທີ່ມາພ້ອມກັບຊ່ວງການ ຖາມ-ຕອບ ຜ່ານເພຈ InsideLaos ເຊິ່ງເປັນຄູ່ຮ່ວມສື່ຂອງ Meta ໄດ້ຕັ້ງແຕ່ວັນທີ 14-16 ກໍລະກົດ 2022 (ວັນພະຫັດ ຫາ ວັນເສົາ).
ມາແບ່ງປັນຂໍ້ມູນ ແລະ ເນື້ອຫາດີໆ ແບບນີ້ກັບຊຸມຊົນຂອງທ່ານ ແລະ ສ້າງແຮງບັນດານໃຈໃຫ້ກັບເຈົ້າ ຂອງທຸລະກິດ ທີ່ທ່ານຮູ້ຈັກຜ່ານ Hashtag #ລາວຊ່ວຍລາວໂດຍMeta #LaoHelpLaobyMeta ແລະ ຢ່າລືມຕິດຕາມເພຈ InsideLaos ເພື່ອທີ່ຈະບໍ່ພາດກິດຈະກຳດີໆ ຈາກແຄມເປນ #ລາວຊ່ວຍລາວໂດຍMeta ຕັ້ງແຕ່ ວັນທີ 14-16 ກໍລະກົດ 2022, ເວລາ 16:00 ໂມງ.