ຂໍຂອບໃຈນຳຜູ້ສະໜັບສະໜູນ

“ການຂາຍຈືນກ້ວຍ” ນັບວ່າເປັນອີກອາຊີບໜຶ່ງ ທີ່ສາມາດສ້າງລາຍຮັບໃຫ້ກັບຫຼາຍໆ ຄົນໄດ້, ໂດຍການເຮັດຈືນກ້ວຍຂາຍແຕ່ລະເຈົ້າ ແຕ່ລະບ່ອນ ກໍຈະມີຄວາມແຕກຕ່າງກັນ ບໍ່ວ່າຈະເປັນເບລື່ອງຂອງຣົດຊາດ, ການປະສົມແປ້ງ ແລະ ການຈືນທີ່ມີຄວາມຊຳນານ ເພື່ອເຮັດໃຫ້ກ້ວຍທີ່ຈືນອອກມາກອບນອກນຸ້ມໃນ.

ນາງ ວໍລະຈັກ, 37 ປີ ເຈົ້າຂອງຮ້ານຈືນກ້ວຍ ທີ່ຂາຍຢູ່ຕໍ່ໜ້າ ທະນາຄານການຄ້າ ບ້ານ ຊຽງຍືນ,  ເມືອງຈັນທະບູລີ, ນະຄອນຫຼວງ ວຽງຈັນ ກ່າວວ່າ: ເພິ່ນເລີ່ມຂາຍຈືນກ້ວຍ ຢູ່ສະຖານທີ່ແຫ່ງນີ້ມາໄດ້ 2-3 ປີແລ້ວ ແຕ່ກ່ອນໜ້າທີ່ຈະມາຂາຍຈືນກ້ວຍ ເຄີຍຂາຍສາລີຕົ້ມ ແລະ ປີ້ງກ້ວຍມາກ່ອນ.

ສາເຫດທີ່ເລືອກຂາຍຢູ່ຈຸດນີ້ ຍ້ອນວ່າທຳເລດີ ເປັນສູນລວມຂອງຫຼາຍໆ ບໍລິສັດ ແລະ ມີຄົນຂາຍໜ້ອຍ ເຊິ່ງການຂາຍຈືນກ້ວຍນີ້ ສາມາດສ້າງລາຍຮັບໃຫ້ກັບຄອບຄົວ, ເຮັດໃຫ້ມີເງິນເກັບໃນແຕ່ລະມື້ ແລະ ຍັງເຮັດໃຫ້ຊີວິດການເປັນຢູ່ຂອງຄອບຄົວດີຂຶ້ນ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ບໍ່ວ່າຈະເປັນອາຊີບໃດໆ ຖ້າເຮົາຕັ້ງໃຈເຮັດ, ເຮັດດ້ວຍຄວາມມັກຮັກ, ເຮັດໃຫ້ໄດ້ຄຸນນະພາບ ສະເໝີຕົ້ນສະເໝີປາຍ ແລະ ດຸໝັ້ນຂະຫຍັນພຽນເຮົາກໍຈະສາມາດສ້າງລາຍຮັບໄດ້.

Hits: 8

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້