ຂໍຂອບໃຈນຳຜູ້ສະໜັບສະໜູນ

Google ໄດ້ປະກາດໃນງານ Cloud Next Conference ວ່າ: ໃນປີໜ້າ 2023 ກຳລັງຈະເລີ່ມຮັບຊຳລະຄ່າບໍລິການ Cloud ດ້ວຍສະກຸນເງິນດິຈິຕອລ ຫຼື Cryptocurrency ເຊິ່ງຈະຮ່ວມມືກັບ Coinbase ແພັດຟອມຊື້ຂາຍ ສະກຸນເງິນດິຈິຕອລ ຊັ້ນນຳຂອງໂລກ.

Brian Armstrong, co-founder and CEO of Coinbase

ໄບອັນ ອາມສຕອງ ຜູ້ບໍລິຫານຂອງ Coinbase ໄດ້ໃຫ້ຮູ້ອີກວ່າ ບໍ່ມີຄູ່ຮ່ວມມືຄົນໃດເໝາະສົມໄປກວ່ານີ້ອີກແລ້ວ (Google) ທີ່ຈະເຂົ້າມາເປັນຂົວເຊື່ອມໄປຫາລະບົບນິເວດ Web 3.0.

ຈາກການຮ່ວມມືດັ່ງກ່າວເຮັດໃຫ້ຮຸ້ນຂອງບໍລິສັດ Coinbase ປັບຕົວຂຶ້ນປະມານ 5% ໄປເຄື່ອນໄຫວຢູ່ທີ່ປະມານ 70,16 ໂດລາຕໍ່ຮຸ້ນ.

ບ່ອນສະແດງໂຄສະນາ


ກົດທີ່ພາບນີ້ ເພື່ອເບິ່ງຂໍ້ມູນເພິ່ມເຕິມ

ຂະນະດຽວກັນ ທາງ Google ເອງກໍຈະໃຊ້ບໍລິການອື່ນໆຂອງ Coinbase ຄືກັນ ເຊັ່ນການບໍລິການດ້ານ Coinbase Custody ລວມໄປເຖິງ Coinbase Prime ໂດຍ Google ເບິ່ງວ່າການຮັບບໍລິການຊຳລະດ້ວຍສະກຸນເງິນດິຈິຕອລນີ້ຈະຕອບໂຈດໃຫ້ກັບບໍລິສັດທີ່ເຮັດກ່ຽວຂ້ອງກັບດ້ານ Web 3.0 ຈຳນວນຫຼາຍ.

ເຊິ່ງສິ່ງທີ່ໜ້າສົນໃຈກໍຄື ການເຄື່ອນໄຫວຄັ້ງນີ້ຂອງທັງ Google ແລະ Coinbase ຈະຊ່ວຍກະຕຸ້ນຕະຫຼາດ Cryptocurrency ທີ່ກຳລັງຂາລົງໃນປັດຈຸບັນນີ້.

ຂໍ້ມູນຈາກ: coindesk

Hits: 3

LEAVE A REPLY

ກະລຸນາໃສ່ຄໍາເຫັນຂອງທ່ານ!
ກະລຸນາໃສ່ຊື່ຂອງທ່ານທີ່ນີ້